صباح الخير لحضراتكم
اللي بيقول بير ماركت ولا لاء غالبا ناسي التاريخ
في صعود 2015 لحد 2017
البيتكوين طلع من حوالي 200 دولار لحد 20000 دولار
وفي الطريق عمل اكتر من 5 تصحيحات
كل واحد فيهم نزل من 30 لحد 40 في المية
وبعضهم قعد اسابيع وبعضهم كام شهر
ولا واحد فيهم كان بير ماركت حقيقي
لان الترند كمل لفوق وكسر قمم جديدة
بير ماركت بجد شفناه بعد قمة 2017
من 20000 دولار نزلنا لحد 3000
نزول اكتر من 85 في المية
وقعدنا من 2018 لحد اخر 2020 عشان نرجع القمة
ده بير ماركت كامل الدسم
نفس الكلام بعد قمة 2021
من حوالي 69000 دولار نزلنا لحد 15500
نزول حوالي 78 في المية
وقعد السوق تقريبا سنتين في تعب
وده برضه بير ماركت واضح
لكن في النص
في 2013 وفي 2021 حصل تصحيحات كبيرة
70 ل 75 في المية
بس رجعنا قمم جديدة خلال سنة ونص تقريبا
دي اسمها تصحيحات منتصف دورة مش نهاية سوق
اما النزولات الصغيرة
20 ل 40 في المية
اللي بترجع خلال شهرين تلاتة
زي اللي شفناها اكتر من مرة في 2020 و2023 و2024
دي هزات مش بير ماركت
فاللي بيقول احنا في بير ماركت
وفي نفس الوقت مستني قمم جديدة قريب
يبقى كده بيتكلم عن تصحيح مش عن بير ماركت
الخلاصة
نزول 40 في المية ويرجع خلال 6 شهور غير
نزول 80 في المية ويقعد سنة اتنين مختلف
الدرجة والزمن اهم من الاسم
واللي بيفهم الفرق ده بيعرف يشتري امتى
ويقفل ايده امتى