📊| مؤسسة عالمية تتوقع هبوط الدولار 10%.. ماذا يعني ذلك للذهب؟
🟠مؤسسة ستيت ستريت المالية شايفة إن الدولار ممكن يفقد حوالي 10% من قيمته لو البنك الفيدرالي خفض الفائدة أكتر من اللي السوق متوقعه حالياً
🟠تقرير المؤسسة بيقول لو الفيدرالي خفض الفائدة 3 مرات في 2026 ده هيسبب انخفاض كبير في الدولار خصوصا مع تغيير قيادة الفيدرالي ودخول السياسة النقدية مرحلة أقل وضوح
🟠لازم نعرف أن السوق حالياً مسعر على خفضين فقط للفائدة في 2026، ولو رئيس الفيدرالي الجديد استجاب لضغوط ترامب وخفض 3 مرات فالدولار هينهار حسب التقرير
طيب الذهب هيكون وضعه ايه لو حصل السيناريو ده؟ 👇
• الدولار أصلًا بدأ السنة ضعيف وده بيخلق دعم كبير للذهب لأنه بيتسعر بالدولار عالميًا
• كل ما الفائدة تقل تكلفة الاحتفاظ بالذهب بتبقى أقل، وده بيخليه اختيار مفضل للتحوط مقارنة بالعملات أو السندات
• ممكن نشوف ارتداد مؤقت للدولار على المدى القصير، لكن الاتجاه العام حسب رؤية المؤسسة لسه سلبي وده يخدم الذهب أكتر
⚠️ نقطة مهمة
الدولار من أول السنة انخفض بنسبة 1.5% والذهب شوفناه سجل 5600 دولار للأونصة، فلو حصل والدولار انخفض 10% الذهب هيكون عند مستويات خارج التوقعات 🤔