و منكم نستفيد جزاك الله خير

نصائح @أبو كرم للسنة الجديدة اتمنى مشاركتها للفائدة

حتى تكون متميز في السنة الجديدة 2026 و تبدا فعلا تتغير للأفضل في عالم التداول اهم ١٠ نقاط قبل دخولك الصفقة و بعد دخولك فيها

#قبل دخول الصفقة

أولا : قبل ما تفكّر تدخل لازم تكون دارس الخطة منيح :ليش بدك تدخل، وين الهدف، ووين رح تطلع لو الأمور قلبِت عليك.

ثانيا : اتأكد إن نسبة المخاطرة مناسبة لرأس مالك، ما تغامر بمبلغ كبير علشان صفقة “حاسّها قوية”.

ثالثا : استنى الإشارة الواضحة، ما تدخل بس لأن السوق بتحرك بدك سبب فني مقنع.

رابعا : شوف الأخبار والحركة العامة للسوق، مرات خبر صغير بقلب الترند كله.

خامسا : قبل التنفيذ حط وقف الخسارة والهدف مسبقًا، عشان ما تترك القرار للعاطفة وقت ما الصفقة تكون شغّالة.

#بعد دخول الصفقة :

أولا : خلّيك هادي والتزم بالخطة، لا تغيّر الوقف أو الهدف لمجرد إنك خوّفت أو طمّعت.

ثانيا : إذا الصفقة مشيت معك، حاول تحمي الربح: حرّك الوقف لنقطة الدخول أو شوي فوقها حسب استراتيجيتك.

ثالثا : لا تضيف صفقات زيادة وانت جوّا الصفقة الأصلية بدون سبب واضح، هيك بتكبّر المخاطرة عليك.

رابعا: راقب السوق بعقل بارد: إذا عطاك إشارة خروج حقيقية، اطلع بدون تردد حتى لو بتحس “يمكن ترجع”.

خامسا: بعد ما تخلص الصفقة، دوّن اللي صار شو كان الصح وشو كان الغلط وهيك بتتعلّم وبتطور مستواك مع الوقت .