كلام في الصميم

في الأسواق المالية،،
اكتشفت إن الناس نوعين…
لكن الفرق مش في المال، ولا في الخبرة،
الفرق في "الطريقة اللي بيفكروا بيها" لما السوق يتحرك فجأة.
لما السوق ينهار فجأة…
ولما الأسعار تطير بدون مقدمات…
تسمع نفس السؤال بيتكرر بألف شكل:
> "هو في إيه؟ إيه السبب؟"
لكن الحقيقة إن اللي بيدوّر على السبب…
غالبًا بيكون نسي إن السوق زي الغابه لو مش مامن نفسك كويس بخطه واضحه وملتزم بيها
هتتاكل
المهم دايما مش السبب
المهم هو التصرف ورد الفعل
---
أما التحليل الفني؟
هو لغة لو فهمتها، هتسمع بيها صوت السوق قبل ما يتكلم.
هو مش بيفسّر ليه حصل اللي حصل،
هو بيهمس ليك: اعمل إيه دلوقتي؟
هل تبيع رغم الخسارة؟
ولا تثبت مكانك لأن الإعصار هيعدي؟
ولا يمكن دي لحظة شراء وسط الفوضى؟
---
اللي بيوصلنا للنقطة دي دايمًا كلمة واحدة: المفاجأة.
وطالما اتفاجئت… فاعرف إنك ما كنتش جاهز.
ما كانتش عندك خطة.
ومافيش خطة = مافيش رؤية.
---
اللي فاهم السوق، ما بيسألش "ليه؟"
هو بيسأل نفسه سؤال واحد:
> "هتصرف إزاي دلوقتي؟"
علشان كده، قبل ما تدخل أي صفقة،
خلي عندك سبب واضح،
وخطة بديلة،
علشان لما العاصفة تيجي…
ما تبقاش واحد من اللي بيدوروا على "السبب".
---
البورصة فنّ لا يرحم المترددين.
الاستثمار صمت العارفين.
والمضاربة… نشوة المغامرين.
وإدارة المخاطر؟
هي الحد الفاصل بين الذكاء… والنجاة.
---
#تداول
#MarketRebound
#سوق