تحذير من انهيار الأسواق خلال 48 ساعة: بنك اليابان ( #BoJ ) يتجه لرفع الفائدة مجدداً مما يهدد بتفجير فقاعة الديون #اليابانية وانهيار تجارة (Carry Trade) العالمية وهو ما قد يسحب السيولة من #الأسهم و #العملات_الرقميه بشكل عنيف.
اليابان صارلها 30 سنة هي "مرساة" العالم اللي مخفضة الفوائد بكل الكوكب اليوم هي المرساة انكسرت.
ليش هي الـ 48 ساعة الجاية حاسمة؟ خلوني بسطها:
لعبة الـ "كاري تريد" انتهت: لسنوات كان المستثمرين يروحوا يقترضوا "ين ياباني" بفائدة شبه صفرية وياخدوا هالمصاري يشتروا فيها "#بيتكوين" وأسهم أمريكية و #ذهب هلق لما اليابان ترفع الفائدة تكلفة هاد القرض رح تزيد والين رح يقوى هون المستثمر بيضطر "يبيع" اللي اشتراه (بيتكوين وأسهم) لحتى يرجع يسدد قرضه بالين هاد اللي بنسميه "تسييل إجباري".
اليابان هي "البنك المركزي" للعالم اليابان بتملك تريليونات الدولارات من السندات الأمريكية والأسهم العالمية إذا صار عندهم وجع راس داخلي بسبب الديون (10 تريليون دولار!) رح يضطروا يسحبوا استثماراتهم من برا ويرجعوها لليابان يعني رح يسحبوا السيولة من الأسواق العالمية
المعادلة القـ.ـاتلة: اليابان محشورة بين نـ.ـارين نـ.ـار التضخم (اللي عم يخليهم يرفعوا الفائدة) ونـ.ـار الديون (اللي رح تنفجر إذا ارتفعت الفائدة)
🔴🧐الزبدة :
اليابان هي العمود اللي ساند سقف السوق العالمي طول هالسنين كنا عم ناخد منها مصاري "ببلاش" لنضارب فيها هلق اليابان قالت "بدي مصاريي وعليها فوائد" لما يبلش الكل يرجع المصاري لليابان رح نشوف الأسواق عم تنزف لأن "السيولة" طارت.
نصيحتي ⚠️⚠️:
الـ 48 ساعة الجاية هي وقت "مراقبة" مو وقت مغامرة.
العملات الرقمية: هي أول شي "بتاكل ضرب" لما السيولة بتقل لهيك خليك حذر جداً من الرافعات المالية (Leverage).
القاعدة الذهبية: لما الفيل (اليابان) يوقع الغابة كلها بتهتز لا توقف
بوش الهزة.
