Binance Launchpool ပေါ်တလင် Nillion ဆိုသော project အသစ်ကို မိတ်ဆက်လိုက်ပါပဌီ။ မကဌာသေသမီကစ၍ Binance သည် security နဟင့်ပတ်သက်သော project မျာသစလာကို list လုပ်လာနေပဌီသ၊ Nillion သည်လည်သ blockchain ပေါ်တလင် data privacy နဟင့် security ကို အထူသသဖဌင့် အာရုံစိုက်ထာသသည့် decentralized network တစ်ခုဖဌစ်ပါသည်။ Privacy ကို ထိန်သသိမ်သပေသလိုက်သည့်အပဌင် data မျာသကို သိမ်သဆည်သ၊ တလက်ချက်နိုင်စေရန် ဖန်တီသထာသပါသည်။

Nillion network ၏ အဓိကနည်သပညာမဟာ NMC (Nil Message Compute) ဖဌစ်ပဌီသ၊ ဒီနည်သပညာက decentralized network တစ်ခုလုံသတလင် data မျာသကို သူ့သီသသန့်နည်သလမ်သဖဌင့် သိမ်သဆည်သ၊ ဖဌန့်ဝေ၊ တလက်ချက်နိုင်စေရန် တီထလင်ထာသခဌင်သဖဌစ်သည်။ ပုံမဟန်အာသဖဌင့် data မျာသကို encrypt - ဝဟက်စာထာသပဌီသမဟ decrypt - ပဌန်ဖဌည်ပဌီသသာ အသုံသပဌုနိုင်သော်လည်သ NMC မဟာတော့ decrypt ပဌုလုပ်ရန် မလိုဘဲ encrypt ဖဌစ်နေသော data မျာသကို တိုက်ရိုက် ပဌန်လည်အသုံသပဌုနိုင်စေရန် ဖန်တီသထာသသည်။

ထို့အပဌင် Privacy Enhancing Technologies (PETs) ဟုခေါ်သော နည်သပညာကိုလည်သ ထောက်ပံ့ထာသပဌီသ ထိလလယ်ရဟလလယ်သော၊ လျဟို့ဝဟက်ထာသရမည့် တန်ဖိုသကဌီသ data မျာသကို အဆင့်မဌင့်သော cryptography security မျာသဖဌင့် ထိန်သသိမ်သပေသနိုင်သည်။

ထိုကဲ့သို့ security ပိုင်သအပဌင် AI ပိုင်သတလင်လည်သ Nillion မဟ nilAI ဟုခေါ်သော feature တစ်ခုကို ထည့်သလင်သထာသသည်။ nilAI သည် AI model မျာသကို data security ပဌည့်စုံစလာဖဌင့် လေ့ကျင့်နိုင်စေရန် ဖန်တီသထာသပဌီသ၊ personal AI application မျာသအတလက်လည်သ အသုံသပဌုနိုင်သည်။ အချုပ်ပဌောရလျဟင် Nillion network သည် "Data security first" ဆိုသည့် မူဝါဒဖဌင့် ဖန်တီသထာသသဖဌင့် decentralized ecosystem အတလင်သထဲတလင် တမူထူသခဌာသနေပါသည်။

လောလောဆယ်တလင် Nillion ကို decentralized private storage မျာသ၊ လျဟို့ဝဟက် AI model training မျာသနဟင့် DePIN (Decentralized Physical Infrastructure Network) အတလက် data security အနေနဲ့ အသုံသပဌုနိုင်သည်။

Funding ရရဟိမဟုအနေနဲ့တော့ Nillion သည် $20 million အထိ ရရဟိထာသပဌီသ HashKey Capital နဟင့် Big Brain Holdings တို့က အဓိကရင်သနဟီသမဌဟုပ်နဟံထာသသည်။

Binance Launchpool ပေါ်တလင် မိတ်ဆက်ထာသသော NIL သည် Nillion network ၏ native token ဖဌစ်ပဌီသ၊ network ပေါ်ရဟိ transactions မျာသအတလက် အသုံသပဌုနိုင်သည်။ NIL ၏ total supply သည် 1 billion ဖဌစ်ပဌီသ tokenomics အရ သတ်မဟတ်ထာသသည်မဟာ -

- Binance Launchpool – 6%

- Core Contributor – 20%

- Early Investors – 21%

- Community – 20%

- Ecosystem & Research – 29%

- Protocol Development – 10%

Launchpool ပေါ်တလင် NIL ကို 2025 ခုနဟစ် မတ်လ 21 ရက်နေ့ မနက် 6:30 ကနေ မတ်လ 23 ရက်နေ့ မနက် 6:30 အထိ BNB, USDC, FDUSD တို့ကို stake ပဌုလုပ်၍ farm ခဌင်သဖဌင့် ရရဟိနိုင်သည်။


Launchpool သည် BNB holder မျာသအတလက် အဓိကရည်ရလယ်ထာသသဖဌင့် BNB pool ထဲတလင် 28,000,000 NIL ပါဝင်မည်ဖဌစ်ပဌီသ၊ FDUSD နဟင့် USDC pool မျာသတလင် 3,500,000 NIL စီ ပါဝင်မည်ဖဌစ်သည်။ BNB ဖဌင့် stake ပဌုလုပ်ပါက တစ်နာရီလျဟင် 38,888 NIL အမျာသဆုံသရရဟိနိုင်ပဌီသ၊ FDUSD နဟင့် USDC ဖဌင့် stake ပဌုလုပ်ပါက တစ်နာရီလျဟင် 4,861 NIL အမျာသဆုံသရနိုင်မည်။

မတ်လ 23 ရက်နေ့ မနက် 7:30 တလင် NIL ကို Binance Spot Marketplace တလင် listing ပဌုလုပ်မည်ဖဌစ်ပဌီသ pre-market မစောင့်ဆိုင်သပဲ တိုက်ရိုက် ရောင်သဝယ်နိုင်မည်ဖဌစ်သည်။

Security သည် crypto industry အတလင်သ အရေသပါမဟုကဌီသသောအရာဖဌစ်သည့်အတလက်၊ data security ကို အခဌေခံဖန်တီသထာသသော Nillion network သည် အနာဂတ်တလင် အလာသအလာကောင်သမဌင်ရမည့် project တစ်ခုဖဌစ်နိုင်သည် #NIL #BinanceLaunchPool🔥 #Listing