تحذير: #الولايات_المتحدة تتجه لإغلاق حكومي وشيك في 31 يناير بقرار من الرئيس #ترامب مما يهدد بتعطيل البيانات الاقتصادية الكلية (CPI والوظائف) وضرب نظام السيولة العالمي وسوق الائتمان وسط تحذيرات من دخول الاقتصاد في ركود تقني.
لي لازم نفهمه....🧐👥
نحن داخلين على أسبوع كسر عضـ.ـم قرار الإغلاق الحكومي هالمرة ماله مناورة سياسية عادية هو تهـ.ـديد مباشر لـ "سيستم" المال العالمي كله.
ليش الوضع هالمرة بيخوف فعلاً؟
العمى المعلوماتي: الفيدرالي الأمريكي بياخد قراراته بناءً على أرقام التضخم والوظائف بالإغلاق هي الأرقام بتختفي يعني السوق رح يمشي "عمياني" بلا خريطة وهاد بيخلي مؤشر الخوف (VIX) ينفجر.
أزمة ثقة بالسندات: السندات الأمريكية هي "الضمانة" لكل قروض العالم لما وكالات التصنيف (متل موديز) تشوف هالفوضى السياسية ممكن تنزل تصنيف أمريكا هاد بيعني إن البنوك رح تطلب "تأمين" أكبر والسيولة رح تنشف فجأة.
ما في أمان: بالمرات الماضية كان في سيولة زايدة (RRP) بتهدي اللعب هلق هي السيولة "ناشفة" يعني أي هزة بالبنوك أو بتمويل الصفقات رح تنحس فوراً وتعمل تجمد بالحركة المالية.
الركود صار عالباب: الاقتصاد أصلاً تعبان بـ 2026 وكل أسبوع إغلاق بيخسر أمريكا جزء من ناتجها هاد هو الفرق بين "هبوط هادي" وبين "وقعة شنيعة" (Recession).
من الآخر 🔴🧐:
"السوق عم يمشي على قشر بيض الإغلاق بيعني إن الحنفيات اللي بتمول الأسواق ممكن تتسكر والمعلومات اللي بتمشي العالم رح تنقطع لما الكبار بيخافوا وما بيشوفوا قدامهم أول شي بيعملوه هو "الهروب للكاش" وبيع كل شي ( #أسهم #كريبتو #سندات )هاد الأسبوع مو تبع "شطارة" ومخاطرة إذا ما حامي حالك"السيولة" ممكن تتبخر بلحظة راقب #الذهب لأنه الملاذ الوحيد اللي بيلمع وقت العتمة الاقتصادية.