ZOE DEV

ရွှေဆိုတာ အရေးကြုံရင် ထုတ်သုံးဖို့၊ ဒုက္ခရောက်ရင် အားကိုးဖို့ စုထားတဲ့ "နောက်ဆုံးခံစစ်" ပါ။ ဒါပေမဲ့ အိမ်ကရှိသမျှ ရွှေထည်တွေရဲ့ ၇၀ ရာခိုင်နှုန်းကျော်ကို ထုတ်ရောင်းပြီး ရန်ပွဲတစ်ခုအတွက် အားသွန်ခွန်စိုက် သုံးနေရပြီဆိုရင်တော့ အခြေအနေက သိပ်မဟန်တော့ဘူးဆိုတာ လူတိုင်းသိပါတယ်။ အခု ရုရှားနိုင်ငံမှာအဲဒီအတိုင်းကိုဖြစ်နေတာပါ။
ကမ္ဘာ့အင်အားကြီးနိုင်ငံလို့ အားလုံးသိထားတဲ့ ရုရှားရဲ့ "ငွေတိုက်စိုး" ဘယ်လို အကျပ်ရိုက်နေလဲဆိုတဲ့ အကြောင်းနည်းနည်းပြောပြမယ်။ ဒါက နိုင်ငံရေးတင်မဟုတ်ဘဲနဲ့ ကျွန်တော်တို့အားလုံးရဲ့ စားဝတ်နေရေးနဲ့ ကုန်ဈေးနှုန်းတွေအပေါ် ဘယ်လို သက်ရောက်လာနိုင်မလဲဆိုတာကိုပါ တွေးကြည့်ဖို့ လိုပါတယ်။
၁။ အရေးပေါ်စုဘူးထဲက ရွှေတွေ ဘာလို့နည်းလာတာလဲ?
ရုရှားမှာ National Wealth Fund (NWF) လို့ခေါ်တဲ့ "နိုင်ငံတော် အရေးပေါ် အရန်ငွေတိုက်" တစ်ခုရှိပါတယ်။ ရေနံရောင်းလို့ရတဲ့ ပိုလျှံငွေတွေကို အနာဂတ်အတွက် စုထားတဲ့ စုဘူးပေါ့ဗျာ။ စစ်မဖြစ်ခင်တုန်းက ဒီစုဘူးထဲမှာ အလွယ်တကူ ထုတ်သုံးလို့ရတဲ့ ငွေသားနဲ့ ပိုင်ဆိုင်မှု ဒေါ်လာ ၁၁၃ ဘီလီယံကျော် ရှိခဲ့ပါတယ်။
အခု ၂၀၂၆ ဇန်နဝါရီမှာ ဒီစုဘူးထဲမှာ ဒေါ်လာ ၅၀ ဘီလီယံလောက်ပဲ ကျန်တော့တာပါ။ အဲဒီပမာဏက သူတို့ရဲ့ အရေးပေါ် ရန်ပုံငွေ တစ်ဝက်ကျော်က ပြောင်သလောက် ဖြစ်သွားပြီ။ ပိုပြီး ထိတ်လန့်ဖို့ကောင်းတာက ဒီရန်ပုံငွေထဲမှာရှိတဲ့ ရွှေအရန်သင့် ပိုင်ဆိုင်မှု ၇၁ ရာခိုင်နှုန်းကျော်ကို ထုတ်ရောင်းပြီး စစ်အသုံးစရိတ်အတွက် သုံးလိုက်ရပြီ ဆိုတာပါပဲ။
၂။ ရေနံကရတဲ့ ပိုက်ဆံထက် စစ်စရိတ်က ပိုများနေသောအခါ
ဆယ်စုနှစ်ပေါင်းများစွာ ရုရှားကို ထမင်းကျွေးလာတာက ရေနံနဲ့ သဘာဝဓာတ်ငွေ့ပါ။ ဒါပေမဲ့ အခုတော့ အခြေအနေက ပြောင်းပြန်ဖြစ်သွားခဲ့ပါပြီ။ "ATM" စက်လို့တင်စားထားတဲ့ ရေနံကနေ ပိုက်ဆံထွက်တာ နည်းလာပြီး "စစ်အသုံးစရိတ်" ဆိုတဲ့ ထွက်ငွေအပေါက်ကြီးက ပိုကျယ်နေပါတယ်။
ကိန်းဂဏန်းတွေအရ ကြည့်ရင် ၂၀၂၅ အတွင်းမှာ ရုရှားရဲ့ ရေနံနဲ့ Gas ဝင်ငွေက ၂၂ ရာခိုင်နှုန်းလောက် ထိုးကျသွားခဲ့ပါတယ်။ နိုဝင်ဘာလ တစ်လတည်းတင် ၃၄ ရာခိုင်နှုန်းအထိ လျော့သွားတာပါ။ ဘာကြောင့်လဲဆိုတော့:
- နိုင်ငံတကာရဲ့ ပိတ်ဆို့မှု (Sanctions) တွေကြောင့် ရေနံကို ဈေးလျှော့ရောင်းနေရတယ်။
- ငွေပေးချေမှုနဲ့ သယ်ယူပို့ဆောင်ရေး လမ်းကြောင်းတွေက ပိုခက်ခဲလာတယ်။
အရင်က ဝင်ငွေနဲ့ အသုံးစရိတ် မျှခြေရှိခဲ့ပေမဲ့ အခုတော့ ဘတ်ဂျက်လိုငွေက ခန့်မှန်းထားတာထက် ၅ ဆလောက် ပိုများနေပါတယ်။ ရိုးရိုးလေး စဉ်းစားကြည့်ရင် ဝင်ငွေ ၁ သောင်းရှိတဲ့သူက အသုံးစရိတ် ၅ သောင်း ဖြစ်နေသလိုမျိုးပေါ့။ ဒီတော့လည်း ရှိတဲ့ရွှေ ထုတ်ရောင်းရတော့တာပေါ့ဗျာ။
၃။ ၂၀၂၆ အလယ် - ရုရှားအတွက် "အနီရောင်အဆင့်"
အခုလက်ရှိ သုံးစွဲနေတဲ့နှုန်း (Burn Rate) အတိုင်းသာ ဆက်သွားမယ်ဆိုရင် စီးပွားရေးပညာရှင်တွေက ၂၀၂၆ ခုနှစ် အလယ်လောက်မှာ ရုရှားရဲ့ အရေးပေါ်ရန်ပုံငွေထဲက ငွေသားတွေ အကုန်ပြတ်သွားမယ် လို့ ခန့်မှန်းထားကြပါတယ်။ ဒါက ဈေးကွက်သမားတွေနဲ့ ကမ္ဘာ့ခေါင်းဆောင်တွေ စောင့်ကြည့်နေရမယ့် "Dead Line" ကြီးပါ။
အဲဒီအချိန်ကျရင် ရုရှားမှာ ရွေးချယ်စရာ လမ်း ၄ ခုပဲ ကျန်ပါတော့တယ်
1. ပထမ စစ်စရိတ်လျှော့ချမယ်။ ဒါက လက်ရှိအခြေအနေအရ ဖြစ်နိုင်ခြေ အနည်းဆုံးလို့ပြောရမယ်။
2. ဒုတိယက ငွေစက္ကူတွေ ထပ်ရိုက်ထုတ်တာပါ။ ဒါကတော့ အဆိုးဆုံးလို့ပြောရမလားပဲ။ ငွေကြေးဖောင်းပွမှု (Inflation) ကို ဖြစ်စေပြီး ကုန်ဈေးနှုန်းတွေ ထိန်းမနိုင်သိမ်းမရ တက်လာပါနိုင်တယ်။
3. တတိယက အခွန်တိုးကောက်မယ်။ ပြည်သူတွေဆီက အခွန်ညှစ်တာက စီးပွားရေး ကျဆင်းမှု (Recession) ကို ဦးတည်သွားစေနိုင်ပါတယ်။
4. နောက်ဆုံးတစ်ခုက ပြည်တွင်းကနေအကြွေးတွေ တိုးယူတာပါ။ အဲ့တာက အတိုးနှုန်းတွေ တက်လာပြီး စီးပွားရေးလုပ်ငန်းတွေ ကျပ်လာနိုင်တယ်။
ဘယ်လမ်းကိုပဲ ရွေးရွေး၊ နာကျင်မှုကတော့ ရှိမှာပါပဲ။
၄။ ဒါက ငါတို့နဲ့ ဘာဆိုင်လို့လဲ?
ဒါနဲ့ ပတ်သက်လို့ နည်းနည်းဆက်ဆွေးနွေးကြည့်ရအောင်။​ "ရုရှားက တိုင်ပတ်ပြီးပိုက်ဆံပြတ်တာက ငါတို့နဲ့ ဘာဆိုင်လဲ" လို့ မေးစရာရှိပါတယ်။ တကယ်တော့ ရုရှားက ကမ္ဘာ့ကုန်စည်စီးဆင်းမှုမှာ အရေးပါတဲ့ "ကစားသမား" တစ်ယောက်ပါ။ သူတို့မှာ ပိုက်ဆံသာ နည်းသွားတာ၊ ကမ္ဘာက လိုအပ်နေတဲ့ သယံဇာတတွေကိုတော့ သူတို့ အခုချိန်ထိ ဆုပ်ကိုင်ထားဆဲပါ။
သူတို့မှာ
- ကမ္ဘာ့ ယူရေနီယံ (Uranium) သန့်စင်မှုရဲ့ ၄၀ ရာခိုင်နှုန်း။ (လျှပ်စစ်စွမ်းအင်အတွက် အရေးကြီးတယ်)
- ကမ္ဘာ့ ဂျုံ (Wheat) တင်ပို့မှုရဲ့ ၂၄ ရာခိုင်နှုန်း။ (မင်းတို့ စားနေတဲ့ ပေါင်မုန့်၊ ခေါက်ဆွဲဈေးတွေနဲ့ တိုက်ရိုက်ဆိုင်တယ်)
- ကမ္ဘာ့ မြေသြဇာ (Fertilizers) ရဲ့ ၁၈ ရာခိုင်နှုန်း။ (ဒါမရှိရင် စိုက်ပျိုးရေးလုပ်ငန်းတွေ ဒုက္ခရောက်မယ်)
- ကမ္ဘာ့ ပယ်လေဒီယမ် (Palladium) ရဲ့ ၄၀ ရာခိုင်နှုန်း။ (ဖုန်းတွေ၊ ကားတွေ ထုတ်လုပ်ဖို့ မရှိမဖြစ်)
ဒါကြောင့် ရုရှားရဲ့ စီးပွားရေး အကျပ်အတည်းက ဘဏ်တွေပြိုလဲတဲ့ "Financial Contagion" ထက်၊ ကုန်ပစ္စည်းတွေ ပြတ်လပ်သွားမယ့် "Supply Shock" ကို ပိုကြောက်ရတာပါ။
ဆိုတော့ ရုရှားက အခုတော့ ဈေးဖိုးတွေမလောက်တော့လို့ ရွှေတွေထုတ်ရောင်းပြီး စစ်ပွဲကို ဆက်တိုက်နေရပါပြီ။ ဒါပေမဲ့ ရွှေဆိုတာ ကုန်နိုင်သလို၊ အရေးပေါ်စုဘူးဆိုတာလည်း တစ်နေ့မှာ ပြောင်သွားနိုင်ပါတယ်။ အခုလာမယ့် ၂၀၂၆ အလယ်ပိုင်းက ရုရှားအတွက်တင်မကဘဲ ကမ္ဘာ့ကုန်စည်ဈေးကွက်အတွက်ပါ အလှည့်အပြောင်းကြီးတစ်ခု ဖြစ်လာနိုင်ပါတယ်။
ကျွန်တော်တို့အနေနဲ့ သတိထားရမှာက ကမ္ဘာ့တစ်ဖက်ခြမ်းက စီးပွားရေး အကျပ်အတည်းက ကျွန်တော်တို့ရဲ့ မီးဖိုချောင်ထဲက ဆန်အိုး၊ ဆီအိုးတွေအထိ ရိုက်ခတ်လာနိုင်တယ်ဆိုတာပါပဲ။ အခြေအနေတွေကို မျက်ခြေမပြတ် စောင့်ကြည့်ရင်း၊ ကုန်ဈေးနှုန်း အတက်အကျတွေအတွက် ကြိုတင်ပြင်ဆင်ထားဖို့လည်း လိုပါလိမ့်မယ်။
အရေးကြီးတာက အင်အားကြီးနိုင်ငံတွေတောင်မှ စနစ်တကျ မစီမံနိုင်ရင် "အရေးပေါ်စုဘူး" ဆိုတာ ပြောင်သွားတတ်တယ်ဆိုတဲ့ သင်ခန်းစာကို မိတ်ဆွေတို့ကိုလည်း ရစေချင်တာပါ။ မိတ်ဆွေတို့ရဲ့ထင်မြင်ချက်လေးတွေကိုလည်း အောက်က Comment မှာ ရေးခဲ့ပေးပါဦး။
$BTC

🔥Crypto က "အနီရောင်" တွေနဲ့ နေ့တိုင်း ကြိုဆိုနေတယ်။ ဒါကလည်း Crypto ရဲ့ သဘာဝပါပဲ။ ညက ဈေးတွေလှုပ်သွားတာက ကမ္ဘာ့တစ်ဖက်ခြမ်းက နိုင်ငံရေးစကားစစ်ထိုးပွဲတွေနဲ့ ပတ်သက်နေတော့ ပိုစိတ်ဝင်စားဖို့ကောင်းနေပါတယ်။
ဒီနေ့ ၂၂ ရက် မနက်ခင်းမှာ Bitcoin က ဒေါ်လာ ၈၈,၀၀၀ အောက်ကို ထိုးဆင်းသွားခဲ့ပြီးမှ ၉၀,၀၀၀ ဝန်းကျင်ကို ပြန်တက်လာခဲ့တယ်။ ဒီလို "အနိမ့်အမြင့်" ဖြစ်တာရဲ့ နောက်ကွယ်မှာ ဘာတွေရှိနေလဲဆိုတာက စိတ်ဝင်စားစရာပဲ။
🌍 Davos က လာတဲ့ လေပွေ
အခုတစ်ခေါက် ဈေးကို ကိုင်လှုပ်လိုက်တာက ဆွစ်ဇာလန်နိုင်ငံ၊ Davos မှာ ကျင်းပနေတဲ့ ကမ္ဘာ့စီးပွားရေးဖိုရမ် (World Economic Forum) က Donald Trump ရဲ့ လေထဲက စကားသံတွေပါ။ Trump က Greenland ကျွန်းနဲ့ ပတ်သက်ပြီး ဥရောပနိုင်ငံတွေကို အခွန် (Tariffs) တိုးကောက်မယ်လို့ ခြိမ်းခြောက်လိုက်တော့ တစ်ကမ္ဘာလုံးက ရင်းနှီးမြှုပ်နှံသူတွေ "လန့်" နေကြပါတယ်။
ရင်းနှီးမြှုပ်နှံသူတွေ ကြောက်ပြီဆိုရင် သူတို့က Crypto လိုမျိုး Risk များတဲ့ ပိုင်ဆိုင်မှုတွေကို ရောင်းထုတ်ပြီး ဘေးကင်းရာကို ပြေးကြပါတယ်။ ဥပမာ ရွှေတို့၊ ငွေတို့ လိုမျိုးပေါ့။ အဲဒီမှာတင် Bitcoin က ဒေါ်လာ ၈၇,၃၀၀ အထိ ရုတ်တရက် ထိုးဆင်းသွားခဲ့တယ်။ ဒါပေမဲ့ Trump က သူပြောခဲ့တဲ့ စကားကို ပြန်လျှော့ပြီး "ညှိနှိုင်းဖို့ လမ်းစရှိတယ်" လို့ ပြောလိုက်တဲ့အခါမှာတော့ ဈေးက ပြန်ပြီးဦးမော့လာခဲ့ပါတယ်။ Trump ဆိုတဲ့အမျိုးက ခုတစ်မျိုး၊ တော်ကြာတစ်မျိုး လုပ်တဲ့သူဆိုတာ အားလုံးလည်း သိကြမှာပါ။
📊 ဈေးကွက်အခြေအနေ
ဈေးကျတာက Bitcoin တစ်ခုတည်းတော့ မဟုတ်ဘူး၊ တခြား Altcoins တွေလည်း ဒီလှိုင်းဒဏ်ကို အလူးအလဲ ခံခဲ့ရပါတယ်။
Ethereum (ETH) ဆိုရင် ဒေါ်လာ ၃,၀၀၀ အောက်ကို ခဏဆင်းသွားခဲ့ပေမဲ့ အခုတော့ ၃,၀၂၀ အထက်မှာ ပြန်ရောက်နေပါပြီ။
Solana (SOL) ဆိုရင်လည်း ဒေါ်လာ ၁၃၀ ဝန်းကျင်မှာ တစ်ဝဲဝဲလည်ဖြစ်နေပါတယ်။
XRP နဲ့ Cardano (ADA) တို့လည်း အကျဘက်ကို ရောက်သွားခဲ့ပေမဲ့ အခုတော့ အနည်းငယ် ပြန်လည်တည်ငြိမ်စပြုနေတာတွေ့ရပါတယ်။
Dogecoin (DOGE) ကတော့ ၀.၁၂၇ ဒေါ်လာဝန်းကျင်မှာ ရှိနေပြီး အရင်လို အားကောင်းကောင်းနဲ့ ခုန်တက်တာမျိုးတော့ မဟုတ်သေးဘဲ "စောင့်ကြည့်" အနေအထားမှာပဲ ရှိပါသေးတယ်။
ဒါကိုကြည့်ရင် ဈေးက "အကောင်းဘက်ကို ပြန်လှည့်ပြီ" လို့ ပြောဖို့ထက် "အဆိုးထဲကနေ ခဏပြန်ငြိမ်သွားတာ" လို့ ပြောရင် ပိုမှန်ပါလိမ့်မယ်။
🔍 Crypto ဆိုတာ "ရွှေ" လိုမျိုး ဘေးကင်းရဲ့လား?
"Bitcoin ကိုယုံတဲ့သူတွေအတွက်က Digital Gold ပါပဲ၊ စီးပွားရေးပျက်ရင် သူက တက်မှာ" ဆိုတဲ့ စကားလည်း ကြားဖူးကြမှာပါ။ ဒါပေမဲ့ လက်တွေ့မှာတော့ မြင်တဲ့အတိုင်းပါပဲ။ ကမ္ဘာ့နိုင်ငံရေး အခြေအနေ မတည်ငြိမ်တဲ့အခါ၊ ဒါမှမဟုတ် ဂျပန်နိုင်ငံရဲ့ အစိုးရငွေတိုက်စာချုပ် (Bond Yields) တွေ ဈေးတက်လာတဲ့အခါ Crypto က အရင်ဆုံး အရောင်းခံရတဲ့ High-risk Asset အဖြစ်ပဲ ရှိနေပါသေးတယ်။
ဆိုတော့ Crypto က ကမ္ဘာ့စီးပွားရေးရဲ့ မက္ကရို (Macro) အခြေအနေတွေနဲ့ ကင်းကွာလို့ မရသေးဘူးဆိုတာပါ။ နိုင်ငံရေးသမားတစ်ယောက်ရဲ့ စကားတစ်ခွန်း၊ ဒါမှမဟုတ် ဗဟိုဘဏ်တစ်ခုရဲ့ ဆုံးဖြတ်ချက်က ကျွန်တော်တို့ရဲ့ Portfolio ကို အချိန်မရွေး ပြောင်းလဲပစ်နိုင်ပါတယ်။
တကယ်တော့ Crypto က ကမ္ဘာ့စီးပွားရေးနဲ့ သက်ဆိုင်နေတော့ Trump စကားပြောတိုင်း လိုက်ရောင်း၊ လိုက်ဝယ်နေရင် အရှုံးပေါ်၊ မွဲဖို့ များပါတယ်။ အခုလည်း ကြည့်လေ... ခဏလေးအတွင်းမှာတင် ဈေးကတက်လိုက်ကျလိုက်နဲ့ပဲဖြစ်နေတော့တာ။
နောက် Chart တွေပဲ ကြည့်နေလို့ မရတော့ဘူး။ အမေရိကန်ရဲ့ အခွန်မူဝါဒ၊ ဂျပန်ရဲ့ အတိုးနှုန်း၊ Davos လိုတွေလို သတင်းတွေကိုပါ နားစွင့်ထားမှ ကိုယ့်ရဲ့ Portfolio ကို ကာကွယ်နိုင်တော့မှာပါ။
အခုလို ဈေးကျတဲ့အချိန်မှာ "Panic Sell" လုပ်တာက အမှားဆုံးပဲ။ ကိုယ့်ရဲ့ ရင်းနှီးမြှုပ်နှံမှုက ရေရှည်အတွက်လား၊ ဒါမှမဟုတ် တစ်နေ့ချင်း ကစားတာလားဆိုတာကို သေချာခွဲခြားဖို့လိုပါတယ်။ ရေရှည်သမားဆိုရင် ဒီလို အတက်အကျမှာ မတုန်လှုပ်စေချင်ဘူး။ စိတ်ရှည်မှုက အောင်မြင်တာပဲလို့ ကျွမ်းကျင်သူတွေ ပြောတာလည်း ကြားဖူးကြမှာပါ။
Crypto က အခုအချိန်မှာ Rollercoaster လိုပါပဲ။ အရမ်းမြန်တယ်၊ အရမ်းကြောက်ဖို့ကောင်းသလို၊ အရမ်းလည်း ရင်ခုန်ဖို့ကောင်းတယ်။ အခု Bitcoin က ဒေါ်လာ ၉၀,၀၀၀ အထက်မှာ ပြန်ရပ်တည်နိုင်မလား၊ ဒါမှမဟုတ် Davos က သတင်းအသစ်တွေကြောင့် ထပ်ကျဦးမလားဆိုတာကတော့ စိတ်ဝင်စားဖို့ကောင်းတဲ့ ပဟေဠိတစ်ခုဖြစ်နေပါတယ်။
သတိထားရမှာက... ဈေးက မွေးကင်းစ ခွေးကလေးလို ဘယ်လောက်ပဲ ခုန်ပေါက်နေပါစေ၊ ကိုယ်တွေရဲ့ "ဗဟုသုတ" နဲ့ "တည်ငြိမ်မှု" ကသာ အောင်မြင်စေမှာပါ။ လောဘနဲ့ ဒေါသ၊ စိတ်ခံစားချက်ကို ဘေးဖယ်ပြီး အချက်အလက်တွေကို သေချာလေ့လာပါ။ ပြီးတော့ DCA နဲ့ ပုံမှန်လေးသွားပြီး ဒီကာလကြီးကို အတူတူ ဖြတ်ကျော်ကြတာပေါ့။ ကံကောင်းကြပါစေဗျာ 🚀✨
$BTC

အာချောင်တဲ့ Trump ကြောင့် Bitcoin ဈေး $80,000 အောက် ဆင်းနိုင်ခြေ ၃၀% ရှိနေပြန်တယ်
ဒီနေ့ ၂၀၂၆ ၊ ဇန်နဝါရီလ ၂၀ ရဲ့ မနက်ခင်းက Crypto သမားတွေအတွက်တော့ အေးစိမ့်စိမ့်နိုင်လှပါတယ်။ နှစ်သစ်အစမှာ Bitcoin (BTC) က $95,000 အထိ တက်သွားတော့ "ဒီတစ်ခါတော့ $100,000 ကို တန်းတက်တော့မယ်" လို့ ကျွန်တော်အပါအဝင် ညီကိုတို့လည်း မျှော်လင့်ခဲ့ကြမှာပါ။ ဒါပေမဲ့ အခုတော့ စျေးက $91,000 အောက်ကို ပြန်လျှောကျလာပြီး စိုးရိမ်စရာ သတင်းတွေ ထွက်လာပြန်ပါပြီ။
တကယ်တော့ ရင်းနှီးမြှုပ်နှံမှုဆိုတာ လှိုင်းစီးနေရသလိုပဲ။ လှိုင်းကြီးလေ၊ သတိထားရလေပါပဲ။ အခုလည်း Derive.xyz လိုမျိုး နည်းပညာအခြေပြု စျေးကွက်ဒေတာတွေအရ လာမယ့် ဇွန်လကုန်မှာ Bitcoin စျေးနှုန်းဟာ $80,000 အောက်ကို ကျဆင်းသွားဖို့ ၃၀ ရာခိုင်နှုန်းလောက် အခွင့်အရေးရှိနေတယ်လို့ ဆိုပါတယ်။ ဒါကြီးက ကြောက်စရာကြီးလား? ဒါမှမဟုတ် အကွက်ချပြီး စောင့်ရမယ့် အချိန်လား? ဆိုတာ အတူတူလေ့လာကြည့်ရအောင်ပါ။
၁။ စျေးကွက်ထဲက ဘာဖြစ်နေတာလဲ 📊
ဒီနေရာမှာ "Options" ဆိုတဲ့ စကားလုံးကို နားလည်ဖို့ လိုပါတယ်။ ရိုးရိုးလေး ပြောရရင် Options ဆိုတာ "အနာဂတ်အတွက် ကြိုတင် အာမခံချက် ယူထားတာ" ဒါမှမဟုတ် "လောင်းကြေးထပ်တာ" လို့ မြင်လို့ရပါတယ်။
Call Option: စျေးတက်မယ်လို့ ယူဆပြီး ကြိုဝယ်ထားတာ။
Put Option: စျေးကျလာရင် အရှုံးသက်သာအောင် ဒါမှမဟုတ် အမြတ်ရအောင် ကြိုရောင်းဖို့ စာချုပ်ချုပ်ထားတာ။
အခု Derive.xyz နဲ့ Deribit လို နေရာတွေမှာ "Put Options" တွေ အများကြီး စုပုံနေတာကို တွေ့ရတယ်။ အထူးသဖြင့် $75,000 နဲ့ $80,000 ကြားမှာ အဝယ်တွေ များနေတာတွေ့ရပါတယ်။ ဒါက စျေးကွက်ထဲက ဝေလငါးတွေနဲ့ အကောင်အကြီးကြီးအမှီးရှည်ရှည်တွေက Bitcoin စျေးက $70,000 ဝန်းကျင်အထိ ပြန်ကျလာနိုင်တယ်လို့ တွက်ဆပြီး ကြိုတင် ပြင်ဆင်နေကြတာပါ။ နှိုင်းယှဉ်ပြရရင် ဇွန်လ 26 ရက်နေ့မှာ BTC က $120,000 ကျော်သွားဖို့ အခွင့်အရေးက 19% ပဲ ရှိချိန်မှာ၊ $80,000 အောက် ကျဖို့က 30 % တောင် ရှိနေတာပါ။
၂။ ဘာကြောင့် ဒီလောက်ထိ စိုးရိမ်နေကြတာလဲ? (The Greenland Factor) 🇬🇱🇺🇸
ညီကိုတို့လည်း ကြာမှာပါ။ Crypto ဆိုတာ ကမ္ဘာ့နိုင်ငံရေးနဲ့ ကင်းကွာလို့ မရပါဘူး။ အခုလည်း အမေရိကန်သမ္မတ ဒေါ်နယ်ထရမ့်ရဲ့ "Greenland" (ဂရင်းလန်းကျွန်း) ကို သိမ်းပိုက်ဖို့ ကြိုးပမ်းတဲ့ အစီအစဉ်က ပြဿနာ စတက်တာပါပဲ။ UK တို့လို ဥရောပနိုင်ငံတွေက ဒါကို ကန့်ကွက်တော့ ထရမ့်က ဥရောပကလာတဲ့ သွင်းကုန်တွေအပေါ် ၁၀ ရာခိုင်နှုန်း အခွန် (Tariff) တိုးကောက်မယ်လို့ ပေါ်တင်ကြီး ခြိမ်းခြောက်လိုက်တာပါ။
ဒါက ဘာဖြစ်လို့ Bitcoin ကို ထိခိုက်တာလဲ?
လွန်ခဲ့တဲ့ ၂၀၂၅ ဧပြီလတုန်းကလည်း ဒီလိုပဲ ထရမ့်ရဲ့ အခွန်တိုးကောက်မှုကြောင့် BTC ဟာ $75,000 အထိ ထိုးကျဖူးတဲ့ သမိုင်းရှိပါတယ်။ အခုလည်း အဲဒီလို "Geopolitical Tension" (နိုင်ငံရေးတင်းမာမှု) တွေက စျေးကွက်ကို မငြိမ်မသက် ဖြစ်စေပါတယ်။ ရင်းနှီးမြှုပ်နှံသူတွေက ကြောက်လာရင် Risk များတဲ့ Crypto ထဲကနေ ငွေပြန်ထုတ်တတ်ကြတာက သဘာဝပါပဲ။
၃။ ခုအခြေအနေကို ဘယ်လိုရင်ဆိုင်ကြမလဲ 💡
ဖြစ်နေတာလည်း ဖြစ်နေပြီဆိုတော့ ဒီအခြေအနေကို ဘယ်လို ရင်ဆိုင်မလဲပေါ့။ စျေးက အခု "High Volatility" (အတက်အကျ အရမ်းကြမ်းတဲ့) အခြေအနေကို ကူးပြောင်းနေပါပြီ။
ဒါကြောင့် အလောတကြီး မလုပ်ပါနဲ့။ စျေးနည်းနည်း ကျတာနဲ့ Panic Sell ကြောက်ပြီး ရောင်းထုတ်တာ မျိုးကို ရှောင်ပါ။ Options ဒေတာဆိုတာ ခန့်မှန်းချက်ပဲ ဖြစ်ပြီး အမြဲတမ်း မှန်ကန်နေတာ မဟုတ်ပါဘူး။
နောက်တစ်ခုက Cash is King ပါ။ ကိုယ့်ရဲ့ Portfolio ထဲမှာ Stablecoin (USDT/USDC) အချို့ကို အဆင်သင့် ထားထားပါ။ တကယ်လို့ စျေးက $75,000 - $80,000 ဝန်းကျင်ကို တကယ် ကျလာခဲ့ရင် ဒါက ရေရှည်အတွက် "Discount စျေး" နဲ့ ဝယ်နိုင်မယ့် အခွင့်အရေးကောင်း ဖြစ်သွားနိုင်ပါတယ်။
ပြီးတော့ သတင်းကို မျက်ခြေမပြတ်ပါစေနဲ့။ အခုက နည်းပညာထက် နိုင်ငံရေး သတင်းတွေက စျေးကွက်ကို ပိုမောင်းနှင်နေတာပါ။ အထူးသဖြင့် အမေရိကန်နဲ့ ဥရောပကြားက ကုန်သွယ်ရေး စစ်ပွဲ ဘယ်လို ဖြစ်လာမလဲဆိုတာ စောင့်ကြည့်ရပါမယ်။ Trump က ခုတစ်မျိုး၊ တော်ကြာတစ်မျိုးလုပ်တတ်ပါတယ်။
၄။ ရှေ့ဆက် ဘာဖြစ်နိုင်လဲ? (The Future Outlook) 🚀📉
Bitcoin က $91,000 ကနေ $80,000 အောက်ကို ဆင်းသွားဖို့ 30% အခွင့်အရေး ရှိနေတာ က သတိပေးခေါင်းလောင်းသံလို ဖြစ်လာနေတာပါ။ ဒါပေမဲ့ တစ်ဖက်မှာလည်း $120,000 ကို တက်ဖို့ မျှော်လင့်ချက်ကလည်း ပျောက်ကွယ်မသွားသေးပါဘူး။
လက်ရှိ အခြေအနေက "စောင့်ကြည့်ရမယ့် အချိန်" (Wait and See) ပါ။ စျေးကွက်က အောက်ဘက်ကို ဦးတည်နေတဲ့ "Downside Skew" ပြနေတာကြောင့် အခုအချိန်မှာ Leverage အများကြီးသုံးပြီး Long တာမျိုး (စျေးတက်မယ်လို့ လောင်းတာမျိုး) ကိုတော့ ရှောင်သင့်ပါတယ်။
Bitcoin က စိတ်ဓာတ် မာကျောသူတွေအတွက်ပဲ ဖြစ်ပါတယ်။ $80,000 အောက် ကျသွားခဲ့ရင်တောင် ဒါက Bitcoin ရဲ့ အဆုံးသတ်တော့ မဟုတ်ပါဘူး။ ဒါက စျေးကွက်ရဲ့ သံသရာတစ်ခုသာ ဖြစ်ပါတယ်။ ကိုယ့်ရဲ့ ရင်းနှီးမြှုပ်နှံမှုတွေကို စနစ်တကျ ခွဲဝေထားပြီး၊ စိတ်လှုပ်ရှားမှုနောက်ကို မလိုက်ဘဲ ဒေတာနောက်ကိုပဲ လိုက်ပါ။
ညီကိုရဲ့ Crypto ခရီးလမ်းမှာ ဒီလို အတက်အကျတွေက သင်ခန်းစာကောင်းတွေ ဖြစ်လာမှာပါ။ သတိနဲ့ ယှဉ်ပြီး ရင်းနှီးမြှုပ်နှံကြပါလို့ တိုက်တွန်းချင်ပါတယ်။ Good Luck ပါ ညီကိုတို့🤝💪
$BTC

ခေတ်ရေစီးကြောင်းအရ အခုက ရွှေ၊ ငွေ၊ ရေနံ၊ ရှယ်ယာ၊ အိမ်ခြံမြေလို လက်ဆုပ်လက်ကိုင် ပြလို့ရတဲ့ RWA ကို Blockchain ပေါ်တင်ပြီး အရောင်းအဝယ်လုပ်တဲ့ ခေတ်က ပိုကျယ်ပြန့်လာနေတာ တွေ့ရပါတယ်။ ဒီနေရာမှာ Chainlink တို့ Pyth တို့လို Oracle ကြီးတွေက မရှိမဖြစ်လိုအပ်ပြီး သူတို့က လက်တွေ့ကမ္ဘာက ရွှေဈေး၊ စတော့ဈေးတွေကို Blockchain App တွေဆီ ပို့ပေးပါတယ်။

ဒါပေမဲ့ ဒီနေရာမှာ သာမာန်လူတွေမမြင်နိုင်တဲ့ ကြောက်စရာကောင်းတဲ့ "ဟာကွက်ကြီး" တစ်ခု ရှိနေပါတယ်။ Chainlink က "ရွှေဈေး ဘယ်လောက်လဲ" ဆိုတာကို ကျွန်တော်တို့ကို ပြောပြနိုင်ပေမယ့်၊ အဲ့ဒီရွှေက ဘဏ်တိုက်ထဲမှာ "တကယ်ရော ရှိနေရဲ့လား" ဆိုတာကို သူလည်း အာမ မခံနိုင်ပါဘူး။ သူက "ကိန်းဂဏန်း" တွေကိုပဲ သယ်ပို့ပေးနိုင်တာကြောင့်ပါ။ ဥပဒေနဲ့သက်ဆိုင်တဲ့ စာချုပ်ထဲက အကြောင်းအရာတွေ၊ အိမ်ခြံမြေစာချုပ်၊ မူပိုင်ခွင့်မှတ်တမ်း၊ PDF file, video တွေလို ရှုပ်ထွေးတဲ့ အချက်အလက်တွေရဲ့ "အဓိပ္ပာယ်" ကို နားမလည်ပါဘူး။ ဒါကြောင့် Trillion-Dollar တန်ဖိုးရှိတဲ့ စီးပွားရေးကြီးတစ်ခုလုံး အချက်အလက်အမှားတစ်ခုတည်းနဲ့ ပြိုလဲနိုင်တဲ့ အန္တရာယ်ရှိနေတာကိုလည်း သတိပြုရပါမယ်။

APRO ဆိုတာဘာလဲ??
အခု ဒီပြဿနာ "ဟာကွက်ကြီး" ကို ဖြေရှင်းပေးမယ့် Binance HODLer Airdrops ကနေ မိတ်ဆက်ပေးလိုက်တဲ့ APRO အကြောင်း မျှဝေပေးပါမယ်။ APRO ဆိုတာက AI ကို အသုံးပြုထားတဲ့ Decentralized AI Oracle Network တစ်ခုပါ။ Chainlink တို့ Pyth တို့လို တခြား Oracle တွေက Data ကို ဟိုနေရာကနေ ဒီနေရာကို လက်ဆင့်ကမ်းရုံပဲ လုပ်ပေနေချိန်မှာ၊ APRO ကတော့ "Oracle 3.0" ကိုအသုံးပြုပြီးတော့ PDF ဖိုင်တွေလို စာချုပ်တွေ၊ စာရင်းစစ် Report တွေ၊ ဥပဒေစာတမ်းတွေလိုမျိုး ရှုပ်ထွေးတဲ့ "Unstructured Data" တွေကို AI နဲ့ သေချာနားလည်အောင်ဖတ်ပြီး၊ Blockchain ပေါ်ကို စစ်မှန်တဲ့ "Verified Data" အနေနဲ့ ပို့ပေးပါတယ်။
"ဒါ့အပြင် သူက တကယ့်ပိုင်ဆိုင်မှု RWA တွေ AI Project တွေ Polymarket လို Prediction Market တွေ ပြီးတော့ DeFi လိုမျိုး ခေတ်အမီဆုံး နယ်ပယ်တွေအတွက် သီးသန့်ထုတ်ထားတဲ့ Oracle လည်းဖြစ်နေပါတယ်။ အခုမှစတဲ့ Startups ကုမ္ပဏီအသစ်လေးတွေ  ရှိပြီးသား ကုမ္ပဏီကြီးအတွက်လည်း စရိတ်စက သက်သာစေမယ့် နည်းပညာဖြစ်ပါတယ်”
အကြီးမားဆုံး ဝှက်ဖဲ
APRO ရဲ့ အဓိက ရည်ရွယ်က ရိုးရိုးဈေးနှုန်းတွေကို သယ်ပို့ဖို့မဟုတ်ဘဲနဲ့ "သက်သေပြလို့မရနိုင်တဲ့ အရာတွေကို သက်သေပြဖို့" ဖြစ်ပါတယ်။ သူရဲ့ အဓိ Feature က Ai က အဖြေတစ်ခုပေးတဲ့အခါမှာ "ဒီအဖြေကို ဘယ်စာရွက်၊ ဘယ်စာကြောင်းကနေ တွေ့တာပါ" ဆိုပြီး ကျောင်းသားတစ်ယောက် အိမ်စာလုပ်သလို "Proof of Record" နဲ့ သက်သေပြပေးပါတယ်။ အဲ့ဒီ AI ရဲ့ အဖြေကို "Watchdogs Nodes" လို့ခေါ်တဲ့ လူတွေနဲ့ထပ်စစ်ပြီး တကယ်လို့ AI က အမှားလုပ်ရင် အဲဒီ AI ကို ဒဏ်ရိုက်တဲ့အထိ အဆင့်ဆင့်ခံထားတဲ့အတွက် ယုံကြည်စိတ်ခလို့ရအောင် တည်ဆောက်ထားတယ်လို့ ဆိုရပါမယ်။
အကျိုးကျေးဇူး
APRO ကို အသုံးပြုထားတဲ့ Project တွေဆိုရင်  Blockchain ပေါ် တင်ဖို့မဖြစ်နိုင်ခဲ့တဲ့ Pre-IPO ရှယ်ယာတွေ၊ Private Equity တွေ၊ ဥပဒေစာချုပ်တွေနဲ့ မူပိုင်ခွင့်တွေကိုပါ Tokenize လုပ်ပြီး ကမ္ဘာလုံးဆိုင်ရာ ဈေးကွက်အသစ်တွေ ဖန်တီးလာနိုင်ပါတယ်။
လက်ရှိ APRO ကို BNB, Ethereum, Solana, SUI, Aribitum စတဲ့ နာမည်ကြီး Blockchain ပေါင်း 40 ကျော်နဲ့ Ecosystem Partner ပေါင်း 200 ကျော်ရှိနေပြီးတော့ Investor ဆိုရင်လည်း Franklin Templeton, Binance ရဲ့ YZiLabs တို့လိုစတဲ့ နာမည်ကြီးတွေ ပါဝင်တာတွေ့ရပါတယ်။ ဆိုတော့ APRO project က လာမယ့် 2026 နောက်ပိုင်းမှာ အဓိကအသုံးပြုလာနိုင်တဲ့ နည်ပညာတွေကို အခုကတည်းက ပြင်ဆင်နေပုံရပါတယ်။
Utility
APRO မှာ $AT ဆိုတဲ့ Native Token တစ်ခုရှိပြီး အဲ့တာကို Ecosystem အတွင်း Staking အတွက်အသုံးပြုတာ၊ RWA တွေဝယ်တဲ့အခါအသုံးပြုတာ၊ Gas Fee လို Utility အတွက်အသုံးပြုတာ၊ Governacne လို့ခေါ်တဲ့ Project နဲ့သက်ဆိုင်တဲ့ အရေးကြီးဆုံးဖြစ်ချက် ချတဲ့နေရာတွေမှာ မဲပေးတာတွေအတွက် အသုံးပြုလို့ ရပါတယ်။
How to Join?
Binance အသုံးပြုတဲ့သူတွေဆိုရင် $AT Token ကို HODLer Airdrop ကနေ ယူဖို့ အခွင့်အလမ်းရှိပါတယ်။ HODLer Airdrop တွေက Airdrop လာမယ်ဆိုတာကို ကြိုပြီးကြေငြာလေ့တော့ မရှိဘူး။ ဒါကြောင့် Binance Earn မှာ $BNB ကို Flexible ဒါမှမဟုတ် Locked အနေနဲ့ 2025 November 4 နေ့ရက်ကနေ 6 နေ့ရက်အတွင်း ထည့်ထားတဲ့သူတွေက Airdrop ရခဲ့ကြပါတယ်။ ညီကိုတို့ရော Airdrop ရခဲ့ရင် ဘယ်လောက်ရခဲ့လဲဆိုတာ အောက်က ကွန်မန့်မှာ ရေးခဲ့ပေးပါဦး။
APRO HODLer Airdrop Detail
APRO ရဲ့ Native Token က $AT ဖြစ်ပြီးတော့ Total Supply က 1Billion ရှိပါတယ်။ HODLer Airdrop အတွက်က 20 Million ကို Airdrop အဖြစ် ဖြန့်ဝေခဲ့ပါတယ်။ လက်ရှိ Circulating Supply က 230 Million ရှိပါတယ်။

👉 အကောင့်ဖွင့်းရန် Link: https://www.generallink.top/join?ref=ZOECRYPTO
(သို့မဟုတ်)
👉 Binance Referral Code: ZOECRYPTO
👉 App Download
👉 https://www.generallink.top/en/download

🇺🇸🏦ဒီဇင်ဘာမှာ FED အတိုးနှုန်းလျှော့ရင် Crypto ဈေးတက်နိုင်လား ??
🏦 အမေရိကန်ဗဟိုဘဏ် FED က အတိုးနှုန်းကို (25) basis points လောက် လာမယ့်ဒီဇင်ဘာလမှာ လျှော့ချလိမ့်မယ်လို့ JP Morgan ရဲ့ခန်းမှန်းချက်တွေ ပြောလာပါတယ်။
🔥အတိုးနှုန်းလျှော့ချခြင်းရဲ့ သက်ရောက်မှု
💲ဗဟိုဘဏ်က အတိုးနှုန်းကို လျှော့ချလိုက်တယ်ဆိုတာဟာ စီးပွားရေးကို လှုံ့ဆော်တဲ့ အခြေအနေတစ်ခုပါ။ ဒါက ဘဏ်တွေက ပိုက်ဆံချေးတဲ့အခါ အတိုးနည်းသွားတဲ့အတွက် စီးပွားရေးလုပ်ငန်းတွေနဲ့ လူတွေ ချေးငွေပိုယူနိုင်ပြီး ငွေကြေးလည်ပတ်မှု ပိုဖြစ်လာနိုင်ပါတယ်။
🚀ဒီလိုအခြေအနေမျိုးမှာ ရင်းနှီးမြှုပ်နှံသူတွေဟာ စွန့်စားရမှုနည်းတဲ့ ဘဏ်အပ်ငွေလို နေရာတွေကနေ ရနိုင်တဲ့ အတိုးနှုန်း နည်းသွားတဲ့အခါ Crypto လို စွန့်စားရမှု များပေမယ့် အမြတ်ပိုရနိုင်ခြေရှိတဲ့ Asset တွေဘက်ကို ရင်းနှီးမြှုပ်နှံမှုတွေ ရွှေ့ပြောင်းတတ်ကြပါတယ်။ ဒါကြောင့်၊ အတိုးနှုန်းလျှော့ချလိုက်ခြင်းက Crypto ဈေးကွက်ကို အားကောင်းစေနိုင်တဲ့ ဖိအားတစ်ရပ် (Bullish Factor) အဖြစ် ရှုမြင်နိုင်ပါတယ်။ ရေရှည်မှာတော့ Crypto ဈေးနှုန်း တိုးတက်ဖို့ အလားအလာရှိပါတယ်။
🔥ဒါဆို Crypto ဈေးတက်မှာလား ??
🏦JP Morgan ရဲ့ ခန့်မှန်းချက်က အတိုးနှုန်းလျှော့ချဖို့ ဖြစ်နိုင်ခြေကို ညွှန်ပြနေတာကြောင့် Bitcoin နဲ့ အခြား Crypto တွေရဲ့ ဈေးနှုန်းတွေ တက်လာဖို့ အလားအလာများပါတယ်။ ရင်းနှီးမြှုပ်နှံသူတွေက အတိုးနှုန်း နည်းတဲ့အတွက် ငွေသားနဲ့ ဘဏ်စာရင်းထဲ ငွေထည့်ထားတာကနေ ထွက်ခွာပြီး ရင်းနှီးမြုပ်နှံမှုအသစ်တွေ ရှာဖွေလာနိုင်ပါတယ်။ ဒါ့အပြင် Bitcoin Halving လိုဖြစ်ရပ်တွေကလည်း Crypto ဈေးကွက်ကို ပိုမိုလှုံ့ဆော်ပေးနိုင်ပါတယ်။
⚠️ဒါပေမယ့် သတိပြုသင့်တဲ့အချက်တွေရှိပါတယ်။
🏦JPMorgan ရဲ့ ခန့်မှန်းချက်ဟာ ခန့်မှန်းချက်သာဖြစ်ပြီး အခြားသော စီးပွားရေးအချက်အလက်တွေ၊ ကမ္ဘာ့ရေးရာ အခြေအနေတွေပေါ် မူတည်ပြီး အပြောင်းအလဲတွေ ရှိနိုင်ပါသေးတယ်။ ဒါကြောင့် တစ်ဘက်တည်းကနေ စဉ်းစားလို့ မရပါဘူး။
📝ချုပ်ပြောရရင် JP Morgan ရဲ့ ခန့်မှန်းချက်အရဆိုရင်တော့ ဒီဇင်ဘာလမှာ အတိုးနှုန်းလျှော့ချမယ်ဆိုရင် Crypto ဈေးကွက်ဟာ တက်ဖို့ အလားအလာ ပိုများပါတယ် လို့ ဆိုရမှာပါ။ ဒါပေမယ့် ရင်းနှီးမြှုပ်နှံမှုတိုင်းမှာ အန္တရာယ်ရှိတာမို့ သေချာလေ့လာပြီးမှ ဆုံးဖြတ်ပါ။
💬ညီကိုတို့ရော December မှာ အတိုးနှုန်းလျှော့မယ်လို့ထင်လား?? အောက်က Comment မှာ ထင်မြင်ချက်လေးတွေရေးခဲ့ပေးပါဦး။
#Binance အကောင့်ဖွင့်ဖို့ Referral Code 👉 ZOECRYPTO ကို သုံးကြည့်ပါ
👉 အကောင့်ဖွင့်းရန် Link: https://www.generallink.top/join?ref=ZOECRYPTO
DISCLAIMER: NOT FINANCIAL ADVICE PLEASE DYOR

တစ်နေ့တစ်မျိုး မရိုးအောင် ငိုလိုက်ရီလိုက်ဖြစ်နေတဲ့ခံစားချက်ကို Crypto Bro တွေအသိဆုံးပါ။ ဈေးကျသွားရင် ဆဲလိုက်၊ ဈေးတက်လာရင် ဝမ်းသာလိုက်ဆိုတဲ့ ခံစားချက်က မြန်မာနိုင်ငံမှာ မီးပျက်တဲ့အချိန် EPC ကိုဆဲလိုက် မီးလာတဲ့အချိန် ဟေးးးး…ဆိုတဲ့ခံစားချက်ကြီးနဲ့ ထပ်တူကျနေသလိုပါပဲ။
တချို့အနေအေးပြီး ယဉ်ကျေးပါတယ်ဆိုတဲ့ သူတွေတောင် Crypto ထဲရောက်လာတော့ ဈေးအတက်အကျမှာ ရင်ခုန်စိတ်လှုပ်ရှားဖွယ်ရာတွေနဲ့ ညည အိပ်ရေးပျက်ပေါင်းလည်း များပြီထင်ပါရဲ့။ ငွေကြေးတွေတိုးလာဖို့ investment လုပ်ပါတယ်ဆိုမှ ကိုယ်ကချည်းပြန်ပေးနေရတော့ “မလုပ်ချင်တော့ဘူးပေါ့နော် ဒီအလုပ်ကြီးကို”…
ကမ္ဘာ့အလုံခြုံဆုံးလို့ သတ်မှတ်ထားတဲ့ ပိုင်ဆိုင်တွေဖြစ်တဲ့ ဥပမာ- အမေရိကန်ဘဏ္ဍာတိုက်ရဲ့ ငွေတိုက်စာချုပ်လို Bonds တွေကို Crypto မှာ အလွယ်တကူ ဝယ်လို့ရရင် ဘယ်လောက်အဆင်ပြေလိုက်မလဲ ဆိုပြီး တချို့ရင်းနှီးမြှုပ်နှံသူ တွေတောင့်တနေကြပါတယ်။

ဒါဆိုရင် ကမ္ဘာ့အလုံခြုံဆုံး၊ စည်းမျဉ်းစည်းကမ်းနဲ့ ကိုက်ညီတဲ့ US Treasury Bills တွေကို ညီကိုတို့ Invest လုပ်ဖို့ စိတ်ဝင်စားလား။ အဲဒီ Bill တွေကို Real-World Assets – RWA ပြောင်းပြီး နေ့နေ့ညည အချိန်မရွေး နေရာမရွေး ၂၄ နာရီကာလပတ်လုံး ရောင်း/ဝယ်/စု လုပ်ခွင့်ရပြီဆိုတာ သိပြီးပြီလား
လက်ရှိ ငွေကြေးနယ်ပယ်မှာ ပြဿနာနှစ်ခု ရှိပါတယ်။
(၁) — သမားရိုးကျ ရင်းနှီးမြှုပ်နှံမှုတွေမှာ၊ ရံပုံငွေမန်နေဂျာကြီးတွေ၊ ဘဏ်ကြီးတွေကသာ ဝင်ရောက်နိုင်တဲ့ "အလွန်လုံခြုံပြီး စွန့်စားမှုနည်းတဲ့ အဖွဲ့အစည်းအဆင့် ရင်းနှီးမြှုပ်နှံမှုတွေ" ဖြစ်တဲ့ ဥပမာ- US Treasury Securities တွေရှိပါတယ်။ အဲဒါကို ကျွန်တော်တို့လို သာမန်အသုံးပြုသူတွေက ဒီလိုပိုင်ဆိုင်မှုမျိုးကို ဝင်ရောက်ဖို့ဆိုတာ ရှုပ်ထွေးပြီး၊ ကုန်ကျစရိတ်ကြီးသလို ရုံးချိန်တွေနဲ့ သူတို့ချမှတ်ထားတဲ့ စည်းမျဉ်းတွေက များလွန်းပါတယ်။
(၂) - Crypto မှာ၊ ရင်းနှီးမြှုပ်နှံသူတွေက ရေရှည်တည်တံ့ပြီး စိတ်ချရတဲ့ အကျိုးအမြတ်ကို ရှာဖွေဖို့ဆိုတာ လက်ရှိအချိန်အထိ ခက်ခဲနေပါသေးတယ်။ နေ့စဉ်နဲ့အမျှ ပင်လယ်ပြင်ကြီးမှာ မုန်တိုင်းတွေထန်၊ လှိုင်းတွေကြီးလွန်းလို့ စိတ်ချရတဲ့ ဆိပ်ကမ်းတစ်ခုကိုလည်း Crypto Bro တွေ လိုအပ်နေပြီလို့တော့ ထင်တယ်။
ဒီပြဿနာကို ကူညီဖြေရှင်းပေးနိုင်မယ့် Binance HODLer Airdrop ကမိတ်ဆက်ပေးလိုက်တဲ့ OpenEden အကြောင်း လေ့လာကြည့်ရအောင်
OpenEden ဆိုတာ ဘာလဲ
OpenEden က ဒီပြဿနာနှစ်ခုလုံးကို "Tokenization" ဆိုတဲ့ နည်းပညာနဲ့ တံတားကြီးတစ်စင်းလို ပေါင်းကူးပေးပါတယ်။

Tokenization ဆိုတာက  Real-World Assets – RWA လို့ခေါ်တဲ့ တကယ့်ပြင်ပက ပိုင်ဆိုင်တွေကို Blockchain ပေါ်တင်ပြီး ကမ္ဘာတစ်ဝှမ်းက မည်သူမဆို ကိုယ်တတ်နိုင်တဲ့ ပမာဏနည်းနည်းများများအလွယ်တကူ ဝယ်ယူရောင်းချနိုင်အောင် လုပ်ပေးတယ်လို့ အလွယ်မှတ်ထားလို့ရပါတယ်။

OpenEden က အမေရိကန်အစိုးရရဲ့ အလုံခြုံဆုံးလို့ သတ်မှတ်ထားတဲ့ အမေရိကန်အစိုးရဲ့ အချိန်တို ငွေချေးစာချုပ် တနည်းဆိုသော် အချိန်တို ငွေတိုက်စာချုပ် Bills တွေကိုယူပြီး Blockchain ပေါ်မှာ "Digital Token" အဖြစ် ပြောင်းလဲပေးလိုက်ပါတယ်။
ဒါကြောင့် ကျွန်တော်တို့လို သာမန် crypto အသုံးပြုသူပါ ခုဏကပြောတဲ့ ဘဏ်အကြီးကြီးတွေ ငွေကြေးအဖွဲ့အစည်းတွေပဲ ဝင်ရောက်ပိုင်ဆိုင်ခွင့်ရတဲ့ Tokenized Treasury Securities တွေကို ကိုင်ဆောင်ခွင့်ရသွားတာပါ။ Blockchain ပေါ်ကိုတင်လိုက်တာကြောင့် အလှမ်းဝေးတဲ့ ကျွန်တော်တို့ မြန်မာနိုင်ငံလိုနေရာကနေတောင်မှ အမေရိကန်ရဲ့ ငွေတိုက်စာချုပ်တွေကို အိပ်ယာပေါ်ကနေ ခလုပ်လေးတစ်ချက်နှိပ်ပြီးတော့ နေ့နေ့ညည အချိန်၊ နေရာမရွေး ဝယ်/ရောင်း/စု ပိုင်ဆိုင်ခွင့်တွေ ရသွားစေပါတယ်။

OpenEden ရဲ့ အဓိကရည်ရွယ်ချက်က ဒေါ်လာ ထရီလီယံပေါင်းများစွာ တန်ဖိုးရှိတဲ့ Real-World Assets တွေကို Blockchain ပေါ်ကို သယ်ဆောင်လာဖို့ဖြစ်ပါတယ်။
အခုဆိုရင် ရိုးရာမပျက် အတက်အကျမြန်တဲ့ Crypto မှာပဲ နေစရာမလိုတော့ပဲနဲ့ OpenEden လို Platform က "လုံခြုံရေး၊ ဝင်ငွေ၊ နဲ့ ချက်ချင်းအသုံးပြုနိုင်မှု" ဆိုတဲ့ အချက်သုံးချက်လုံးကို တစ်ပြိုင်နက်တည်း ပေးစွမ်းနိုင်တဲ့ နေရာတစ်ခုကို ဖန်တီးပေးလိုက်ပါတယ်။
How to Join
Binance အသုံးပြုတဲ့သူတွေက $EDEN Token ကို HODLer Airdrop ကနေ ယူလို့ရပါတယ်။ Binance Earn မှာ $BNB ကို Flexible ဒါမှမဟုတ် Locked အနေနဲ့ 2025 September 23 နေ့ရက်ကနေ 25 နေ့ရက်အတွင်း ထည့်ထားတဲ့သူတွေက Airdrop ရခဲ့ကြပါတယ်။
OpenEden HODLer Airdrop Detail
OpenEden ရဲ့ Native Token က $EDEN ဖြစ်ပြီးတော့ Total Supply က 1Billion ရှိပါတယ်။ HODLer Airdrop အတွက်က 15 Million ကို Airdrop အဖြစ် ဖြန့်ဝေခဲ့ပါတယ်။ လက်ရှိ Circulating Supply က 183.870 Million ရှိပါတယ်။

👉 အကောင့်ဖွင့်းရန် Link: https://www.generallink.top/join?ref=ZOECRYPTO
(သို့မဟုတ်)
👉 Binance Referral Code: ZOECRYPTO
👉 App Download
👉 https://www.generallink.top/en/download