SOKATHO

مرحباً يا أصدقاء الكريبتو! 👋
أكيد لاحظتوا شي غريب في السوق: كل ما يطلع خبر "حلو" — زي تخفيض الفائدة من الاحتياطي الفيدرالي الأمريكي، أو اتفاق بين ترامب وشي — الأسعار بدل ما تطلع… تنزل! 😅
خلونا نفهم ليش هذا يصير، بخطوات بسيطة ومنطقية.
🏦 أولاً: وش يعني "تخفيض الفائدة" وليه المفروض يرفع أسعار الكريبتو؟
تخفيض الفائدة يعني إن البنك المركزي الأمريكي (الاحتياطي الفيدرالي) يجعل القروض أرخص.
يعني الناس والشركات تقدر تستلف بسهولة، ويصير فيه فلوس أكثر في السوق.
عادةً هالفلوس تروح للأصول "الخطرة" مثل الكريبتو، لأن العوائد فيها أعلى من الودائع البنكية ذات الفائدة المنخفضة.
فمن الطبيعي، المفروض الأسعار ترتفع... صح؟ 🤔
لكن اللي صار في أكتوبر 2025 كان العكس!
الاحتياطي الفيدرالي خفّض الفائدة بـ0.25%، ومع ذلك نزل البيتكوين إلى حوالي 108,000 دولار.
ليش؟ تعال نوضحها 👇
💡 السبب الأول: "اشترِ الشائعة، وبِع الخبر" (Buy the Rumor, Sell the News)
هذي قاعدة مشهورة في السوق.
المتداولين يشترون قبل الخبر لأنهم يتوقعون الشي الإيجابي، فالسعر يرتفع مسبقاً.
لكن لما الخبر فعلاً يطلع — الكل يبيع علشان يجني الأرباح 💰
وهنا السعر يطيح بسرعة.
وهذا بالضبط اللي صار بعد إعلان التخفيض، خصوصاً بعد كلام رئيس الفيدرالي "جيروم باول" اللي لمح إن هذا ممكن يكون آخر تخفيض خلال 2025.
يعني السوق فقد الأمل بمزيد من التيسير، فبدأت عمليات بيع ضخمة.
وفي 24 ساعة فقط، تمت تصفية مراكز بملايين الدولارات! 🔥
🤝 ثانياً: اتفاق ترامب وشي... خبر إيجابي، لكن مو للكريبتو!
في نهاية أكتوبر 2025، اجتمع ترامب وشي في كوريا الجنوبية واتفقوا على تهدئة تجارية:
أمريكا تقلل رسوم على بعض السلع وتخفف القيود مؤقتاً.
الخبر ممتاز من ناحية سياسية واقتصادية، المفروض الأسواق ترتاح...
لكن اللي صار؟ البيتكوين نزل مرة ثانية! 😅
ليش؟ لأن السوق كان متفائل أكثر من اللازم.
الناس اشتروا قبل الاجتماع على أمل اتفاق كبير، لكن النتيجة كانت "جزئية" وما شملت قضايا مهمة مثل السيارات أو الإلكترونيات.
فلما طلع الخبر، حسّ المتداولين بالإحباط وبدأ البيع.
وهنا يصير شيء ثاني نسميه "الدوران" (Rotation):
لما التوتر يخف، المستثمرين يحولون أموالهم من الكريبتو (اللي يعتبرونه أكثر خطورة) إلى الأسهم التقليدية أو الأصول الآمنة.
وبكذا ينزل الكريبتو أكثر.
🌍 ليه الكريبتو يتأثر أكثر من غيره؟
لأن سوق الكريبتو أصغر وأسرع تفاعلًا.
قيمته الإجمالية حوالي 2 تريليون دولار فقط، مقارنةً بأسواق الأسهم اللي تتجاوز 50 تريليون.
يعني أي حركة من المستثمرين الكبار (اللي نسميهم "الحيتان 🐋") تهز السوق كله.
وغالباً إذا نزل الكريبتو، تبدأ باقي الأسواق تتوتر، لأن الناس تشوفه مؤشر على "الخوف" في السوق.
بس الجميل؟ الكريبتو دايم يتعافى أسرع، مثل ما شفنا في 2024 بعد انهيارات مشابهة.
🧭 نصائح سريعة للمتداولين الجدد:
1. لا تشتري بالعاطفة: بعد أي خبر كبير، خذ وقتك وشوف كيف السوق يتفاعل.
2. استخدم وقف الخسارة (Stop Loss): لا تترك مركزك مفتوح بدون خطة خروج.
3. نوّع محفظتك: لا تحط كل رأس مالك في بيتكوين. جرب الإيثريوم أو مشاريع الـStaking.
4. تابع تصريحات القادة: أحياناً كلمة من "باول" أو "ترامب" تحرك السوق أكثر من أي رقم.
الخلاصة:
الانهيارات بعد الأخبار الإيجابية مو شي غريب…
هي جزء طبيعي من حركة السوق وجني الأرباح.
وفي كثير من الأحيان، تكون فرصة للشراء بسعر منخفض إذا كنت صبور وتعرف تقرأ السوق.
الكريبتو ما زال قوي، والسيولة مستمرة في التدفق عبر صناديق الـETF،
بس التوازن يحتاج وقت.
فهدّئ أعصابك، وتذكّر: الاستثمار رحلة، مو سباق. 🚀

‏شبح الإغلاق الحكومي الثاني

الأسواق تتحضر لسيناريو الانهيار الثاني بحلول 14 فبراير المراهنات تشير لنسبة 71% لحدوث إغلاق حكومي أمريكي جديد بعد تعثر قانون تمويل وزارة الأمن الداخلي بسبب خلافات سياسية حادة عقب حادثة ‎#مينيابوليس التاريخ يعيد نفسه وخطر تكرار مجزرة يناير بات قريباً جداً.

ليش القصة "كارثة" مو بس سياسة؟

نحنا لسا ما لحقنا نلم جراحنا من إغلاق (31 كانون الثاني - 4 شباط) اللي كركب أسواق المال  بـ 5 أيام بس وهلق عم نرجع لنفس الدوامة

الذاكرة المؤلمة: بالإغلاق الماضي ‎#الذهب خسر حوالي 800 دولار والبيتكوين هبط 5000 دولار بلمحة البصر هاد بيأكد إنه السوق "بيكره" شي اسمه ضبابية سياسية.

سلاح "الأمن الداخلي": الخلاف هلق مو على أرقام القصة صارت "عناد سياسي" بعد حادثة إطلاق النار بمينيابوليس لما بتتعطل الميزانية "ساعة الإغلاق" بتبلش تعد تنازلي واليوم نحن بـ 12 شباط يعني ما ضل غير يومين!

توقف "نبض" الاقتصاد: الإغلاق بيعني تأخير رواتب تأخير عقود والأهم من هيك "تأخير البيانات" لما المستثمر بيفقد الرؤية أول حركة بيعملها هي إنه "يهرب" للكاش وهاد اللي بيعمل الانهيار (Crash).

توقيت "قاتل": متل ما حكينا قبل شوي هاد الخبر إجا بالتزامن مع "شفط السيولة" من الخزانة الأمريكية يعني السوق عم ياكل ضربتين نقص سيولة + إغلاق حكومي.

أهم شي لازم تفهمه صديقي المتداول

"السوق عم يغرق والموج عم يعلى" نسبة الـ 71% بتقول إنه "الضربة" شبه مؤكدة الإغلاق مو بس موظفين قعدوا ببيوتهم الإغلاق هو "فرملة فجائية" لقطار الاقتصاد الأمريكي إذا صار الإغلاق بكرة أو بعد بكرة استعدوا لـ "عيد حب" أسود بالأسواق والذهب و ‎#الكريبتو رح يكونوا أول الضحايا.

‏الخزانة الأمريكية تنتهي من المزاد الثاني ضمن سلسلة الـ 125 مليار دولار بعد طرح 58 مليار دولار (أمس الثلاثاء) طرحت اليوم الأربعاء 42 مليار دولار لسندات الـ 10 سنوات بانتظار الضربة الأخيرة غداً الخميس لـ 25 مليار دولار لسندات الـ 30 سنة. السيولة بدأت فعلياً بالانسحاب تمهيداً ليوم التسوية في 17 فبراير.

ليش القصة مصيدة؟

يا شباب متل ما حكينا لما الحكومة بتطرح سندات هي عم تسحب "كاش" من إيدين المستثمرين والبنوك لحسابها هاد الكاش اللي عم يختفي هو "الدم" اللي بيمشي بعروق السوق.

وخلونا نشوف شو صار بآخر 48 ساعة:

مزاد الثلاثاء (3 سنين) الطلب كان

"ضمن المتوسط" (2.62 مرة) يعني السوق لسا عم يبلع الطعم بس مو بحماس كبير.

مزاد الأربعاء (10 سنين) هاد هو "ميزان الحرارة" اليوم (11 فبراير) العيون كانت شاخصة عليه لأن عوائد الـ 10 سنين هي اللي بتحدد فوائد القروض والرهن العقاري أي "ضعف" بالطلب اليوم معناه الفوائد رح تطير والأسهم رح تاكل ضربة.

فخ السيولة (Liquidity Trap) لما بتنسحب 125 مليار دولار بظرف 3 أيام الأسواق بتصير "ناشفة". الكريبتو بالذات كونه أكتر أصل حساس للسيولة هو أول واحد ببلش يهتز (Violent Moves).

يوم التسوية (17 فبراير) هاد هو التاريخ الحقيقي لـ "شفط" المصاري يعني بكرة وبعد بكرة رح نشوف "تخارج" استباقي من الأصول الخطرة لحتى يجهزوا الكاش للتسوية.

أهم شيء لازم تفهمه صديقي المتداول

"الخزانة عم تنشف السوق بـ شلمونة (شفاطة) عملاقة  القصة مانا مجرد أرقام القصة هي إنه المصاري اللي كانت عم ترفع ‎#البيتكوين والأسهم هلق عم تروح لتشتري ورق حكومي إذا مزاد بكرة (الـ 30 سنة) طلع "نايم" ومافي طلب عليه رح تشوف العوائد عم تطلع متل الصاروخ وهون بتبلش "الهبدة" الحقيقية بالأسواق.

#

‏الصين تعلن حظراً نهائياً وشاملاً على كافة أنشطة الكريبتو!
تجريم التداول إغلاق الصناديق واعتبار خدمات العملات الرقمية الأجنبية جرائم مالية التوقعات تشير إلى سحب سيولة تتجاوز تريليون دولار واضطرار المؤسسات لتسييل 400 مليار دولار من الأصول خلال أسابيع لتجنب الملاحقة.
(ليش هي المرة غير كل مرة؟)
يا شباب نحنا متعودين نسمع "الصين حظرت" كل سنة بس هاد القرار بـ 2026 هو "الفصل الأخير" والسبب مو بس تقني بل سياسي بامتياز
تجريم كامل: القصة مانا "تحذير" القصة صارت "جريمة مالية" يعني أي صندوق أو منصة عندها مكتب بشنغهاي أو بكين قدامها أسابيع قليلة لتبيع كل شي عندها وتحوله لـ "كاش" وإلا السجن ناطرهم.
هاد بيعني "ضغط بيع" هائل وماله مسبوق.
تبخر 30% من السيولة: الصين كانت المحرك الخفي للسيولة لما بتسحب تريليون دولار السوق رح يصير "ناشف" وأي بيعة صغيرة رح تعمل هبوط مرعب.
تأثير "الدومينو" الآسيوي: شنغهاي هي القائد المالي لآسيا الخوف هلق إنه دول تانية تمشي وراها لتساير "السيستم المالي" الجديد وهاد بيضرب "الثقة" بمقتل.
توقيت "خبيث": الخبر إجا مع "عاصفة ترامب" والتعرفات الجمركية ‎#الصين عم تسكر أبوابها وتحمي عملتها الوطنية (اليوان الرقمي) من أي هروب للمصاري لبرا.
أهم شيء لازم تفهمه صديقي المتداول الحزين
"الصين شالت (الفيش) عن السوق القصة مانا "خوف" وبس القصة هي "تصفية إجبارية" لـ 400 مليار دولار الحيتان الصينيين عم يركضوا لباب الخروج وهاد الزحام رح يخلي الأسعار "تهبد" لمستويات ما شفناها من سنين الثقة انضربت والناس هلق عم تهرب من "الديجيتال" لترجع لـ "الكاش" أو ‎#الذهب .

‏تحذير من ركود حاد الاقتصاد الأمريكي يسجل قفزة في تسريحات العمال هي الأعلى منذ 2009 (أكثر من 108 آلاف وظيفة في يناير) تزامناً مع تراجع عروض العمل لأدنى مستوى منذ 2020 وانفجار فجوة عروض العقارات مقابل المشترين بنحو 530 ألف وحدة.
(ليش القصة "جدية" هالمرة؟)
السوق ما عم ينزل "بالصدفة" اللي عم يصير هو "تفكك" بمفاصل القوة الاقتصادية وخلونا نفكك الأرقام المرعبة اللي طلعت مبارح واليوم
الوظائف: لما بتسمع إنه شهر كانون الثاني (يناير) شهد تسريح 108,435 موظف (بقيادة أمازون وUPS) وهي أعلى نسبة من أيام الأزمة العالمية بـ 2009 معناها الشركات بلشت "تخاف" وتوفر كاش. هي مو "تقلبات" هي "حالة دفاعية" عنيفة.
شلل العقارات: الفجوة بين "البايعين" و"المشترين" وصلت لأرقام خرافية الناس بدها تبيع بيوتها بس ما حدا عم يشتري بسبب الفوائد العالية والغلاء هذا الانحباس بيعمل "جلطة" بالدورة الدموية للاقتصاد.
عناد الفيدرالي: بالرغم من كل هاد "الوجع" ‎#الفيدرالي لسا عم ينشف السيولة وما بلش "تيسير" هاد الشي عم يخلي "منحنى العائد" يصرخ ويقول
"الركود هون"
الكريبتو "المستشعر": متل ما قلت الكريبتو هو أول واحد "بيشم" ريحة التباطؤ لما بتشوف السيولة عم تهرب من البيتكوين والعملات البديلة اعرف إنه "المستثمرين الكبار" عم يجهزوا حالهم لأسابيع (أو شهور) عجاف .
يعني من الآخر صديقي المتداول الحزين 🔴
السوق عم يفرمل بقوة والركاب رح يطيروا من الأرقام اللي طلعت بـ 5 و6 شباط بتقول إنه
"الهبوط الناعم" صار حلم بعيد الشركات عم تسرح والبيوت عم تكسد والمصاري عم تنشف ‎#الكريبتو هلق هو "الترمومتر" طول ما هو عم ينزف معناها السوق لسا ما شايف الضوء بآخر النفق.
‎#العملات_الرقميه

‏مشروع قانون تنظيم الكريبتو الأمريكي في مهب الريح البيت الأبيض يرفض بشدة شروط الأخلاق التي تمنع الرئيس وعائلته من ممارسة أعمالهم بالكريبتو والسيناتورات يحذرون من انهيار القانون بالكامل بحلول نهاية فبراير إذا لم يتم التوصل لاتفاق.

ليش القصة خازوق للسوق؟

المستثمرين كانوا ناطرين هاد القانون لحتى  ‎#البيتكوين و ‎#الإيثيريوم يصير لهم غطاء قانوني واضح بس "السياسة" دخلت عالخط

وخربت الطبخة.

عقدة "بزنس العيلة" إدارة ترامب بدها القانون يمرق بسرعة البرق بس بنفس الوقت رافضين أي بند بيمنع الرئيس أو عيلته من إنهم يتاجروا بالكريبتو أو يملكوا منصات الديمقراطيين عم يقولوا "ما بصير" والبيت الأبيض عم يقول هاد استهداف سياسي

لعبة الـ 60 صوت بمجلس الشيوخ القانون محتاج 60 صوت وهاد الرقم مستحيل يوصلوا له بدون "تنازلات" ومع قرب الانتخابات النصفية الكل عم يضرب تحت الحزام.

إذا ما انحلت القصة بآخر هاد الشهر القانون رح يروح للأرشيف وهاد بيعني إننا رح نضل بمرحلة "الضياع التنظيمي"

و مثل ما منعرف الكريبتو بيكره عدم اليقين غياب القانون بيعني إنه المؤسسات المالية الكبيرة ممكن تفرمل دخولها للسوق وهاد هو اللي عم يخلي الأسعار "تراوح مكانها" أو تنزل.

أهم شيء لازم تفهمه صديقي المتداول

"الكل عم يشد الحبل لجهته والحبل رح ينقطع" المستثمر الصغير كان متأمل بـ  بس طلع الامل  مربوط بـ مصالح الكبار إذا طار القانون رح نرجع لنغمة "الملاحقات القضائية" والضبابية وهاد "سم" للبيتكوين والعملات البديلة.

من الآخر 🔴 🔴

راقب الأخبار السياسية بالفترة الجاية "تويتة" وحدة عن القانون ممكن ترفع السوق أو تهبده

لا تفرط بالتفاؤل طول ما القانون "علقان بالحيط" السيولة الحقيقية رح تضل خايفة تدخل الحذر من التقلبات شهر فبراير رح يكون "شهر الأعصاب" بامتياز.

‎#GOLD

‏تحذير مالي اتساع الفجوة بين عوائد السندات لأجل سنتين و10 سنوات إلى 0.71% (أعلى مستوى منذ 2022) فيما يعرف بـ Bear Steepening تاريخياً هذا النمط تنبأ بـ 7 من أصل 8 ركودات اقتصادية منذ السبعينات مما يضع أسواق الأسهم و ‎#الكريبتو في دائرة الخطر.

ليش هي الحركة "مرعبة" للمستثمر؟

يا شباب خلونا نفهم شو يعني "Bear Steepening"  وليش هو "سم" للأسواق

هروب الثقة لما الفائدة طويلة الأجل (10 سنين) تطلع أسرع بكتير من القصيرة هاد معناه إن المستثمرين خايفين من "التضخم" ومن "ديون الحكومة" بالمستقبل.

هاد بيخلي "الدولار" يصير أقوى والمصاري بتبلش تهرب من الأسهم لتروح للأمان (السندات والذهب).

تاريخياً : من سنة 2000 لليوم كل مرة صار فيها هاد "الاشتداد" (Steepening) العنيف انتهى الموضوع بـ انهيار بالبورصة وركود اقتصادي.

السوق حالياً عم "يشم" ريحة أزمة ولهيك عم نشوف ‎#الذهب و ‎#الفضة عم يرتدوا بسرعة لأنهم "ملاذات" بينما الأسهم والكريبتو عم "يهبطوا" .

فخ السيولة: الكريبتو هو أكتر شي حساس للسيولة لما السندات بتسحب السيولة من السوق الكريبتو هو أول واحد "بيسلم اللوحات "

نهاية اللعبة السيناريو المتوقع هو إنه السوق ينهار وبعدين يتدخل الفيدرالي "مضطراً" ليخفض الفائدة بقوة ويضخ سيولة (QE) هيك بس بترجع الأصول تضرب قمم جديدة.

شو لي لازم تفهمه صديقي المتداول الحزين؟

السوق عم يعطي إشارة (Stop) كبيرة القصة مو بس أرقام القصة هي "فقدان يقين" لما بتشوف منحنى العائد عم يفتح بهالطريقة اعرف إنه السيستم عم يحضر حاله لـ "خضة" كبيرة ‎#الأسهم ممكن تاكل ضربة قوية و الذهب هو اللي رح يضل واقف على رجليه بهي المعمعة.

نصيحة من ‎@sokatho_crypto

راقب الفجوة: إذا استمرت الفجوة بالتوسع فوق الـ 0.71% استعد لـ "هبدة" بالأسواق.

الذهب هو الحكم: قوة الذهب الحالية هي "تأكيد" لضعف الأسهم القادم.

لا تستعجل بالشراء: استنى ليرجع الفيدرالي يغير سياسته ويبلش "يضخ" مصاري بتكون هي اللحظة الذهبية للدخول.

‏‎ مجلس النواب يمرر مشروع قانون تمويل الحكومة مما يزيل حالة عدم اليقين ويعيد السيولة والثقة إلى الأسواق المالية.
ليش هاد الخبر "بنزين" للصعود؟
يا جماعة السوق كان "محشور" وناطر هي اللحظة لما بتنتهي أزمة الإغلاق كل "الخوف" اللي كان مفرمل المستثمرين بيتحول لـ طاقة شرائية عنيفة
رجعة البيانات هلق مكاتب الإحصاء رح ترجع تشتغل يعني بيانات يوم الجمعة (NFP) رح تطلع بموعدها المستثمرين بيعشقوا الأرقام والوضوح وهاد بيعني إن "العتمة" انتهت.
ارتداد الأسواق رح نشوف ‎#الأسهم و ‎#الكريبتو عم يتنفسوا السيولة اللي كانت "هاربة" رح ترجع تدخل للسوق وهذا اللي بنسميه "Bullish" بكل معنى الكلمة.
تفرغ "ترامب" و"وارش" هلق الإدارة رح تركز على خطط النمو الاقتصادي وتنزيل الفائدة بلا وجع رأس "الإغلاق".هاد التناغم هو اللي رح يدفع الأسواق لمستويات قياسية جديدة.
من الآخر شو منفهم صديقي المتداول الحزين 🥸
انفتحت الحنفية من جديد واشنطن اتفقت وهذا بيعني إنه الخطر التقني راح السوق هلق رح يبلش يحتفل بهاذا الخبر إذا كنت ناطر برا هلق هو وقت "تعديل الموجة" لأن الإيجابية رح تسيطر على الشاشات بالساعات الجاية.
🔴🔴🟢🟢✅
الأسهم والبيتكوين استعد لقفزات سعرية لتعويض نزول الأيام الماضية.
الدولار: ممكن يريح شوي لأن "حالة الطوارئ" خلصت وهاد بيعطي "أكسجين" للذهب والعملات التانية.
خليك منتبه الخبر إيجابي جداً بس دائماً خلي عينك على "الارتداد" التقني عند مستويات المقاومة.
‎

الأسواق العالمية تشهد أكبر عملية تسييل إجبارية في التاريخ ‎#الذهب و ‎#الفضة و الأسهم يهوون معاً في 48 ساعة من الرعب المالي نتيجة انفجار فقاعة المضاربات وقرارات الفيدرالي الجديدة.

​ (شو اللي صار فعلياً خلف الشاشات؟)

​يا جماعة اللي صار مو "نقص طلب" على الذهب اللي صار هو "انفجار السيستم" من جوه خلونا نفكك هي الشيفرة.

​فقاعة العقود الورقية تخيلوا إنه لكل أونصة ذهب حقيقية في 300 أونصة "ورقية" عم يتداولوا فيها الناس بالمضاربات لما بلش السعر ينزل هي العقود الورقية فرطت متل حجار الدومينو والكل صار بدو يبيع "بأي سعر" لحتى يخلص.

​سكين "الهوامش" (Margins): البورصات لما شافت الجنون رفعت تكلفة المتاجرة (Margin) بنسبة مرعبة (36%) هاد الشي أجبر المتداولين يبيعوا ذهبهم وفضتهم فوراً لأنهم ما عادوا قدروا يغطوا تكاليف صفقاتهم هاد هو "البيع الإجباري" اللي حرق الأخضر واليابس.

​صدمة "كيفن وارش": ترشيح وارش لرئاسة الفيدرالي أعطى ثقة إن "الدولار" رح يرجع قوي وإن الفوضى انتهت هي الثقة هي "السم" للذهب والفضة لأن الناس بتهرب للذهب بس لما تكون خايفة من ضياع الدولار.

​أرقام بتوقف القلب: الفضة خسرت 38% والذهب 16% هي النسب بالمعادن الثمينة تعتبر "انهيار تاريخي" ما بصير غير مرة كل كم عقد من الزمن.

​من الآخر لي لازم تفهمه صديقي المتداول الحزين

"السوق كان منفوخ زيادة عن اللزوم وانشك بالدبوس المضاربين طمعوا وطلعوا بالذهب والفضة لقمم خرافية ولما بلشت تكرج المسبحة المنصات ما رحمت حدا وبلشت تبيع "عن الناس" لحتى تسدد ديونها الـ 12 تريليون اللي طاروا هنن "هوا" كان منفوخ بالأسواق وطلع هلق كله سوا.

​نصيحة ⚠️⚠️

​هذا ما وقت "صيد القاع" لما يطير 12 تريليون بهالسرعة معناها الجرح لسا عم ينزف.

​الذهب لسا ذهب الانهيار ورقي وتقني مو لأنه الذهب فقد قيمته بس لأن "اللعبة المالية" حواليه تفركشت.

​انتظر لتهدا الغبرة الأسواق محتاجة وقت لترمم هي الخسائر الهائلة.

تحذير من تكرار سيناريو 10 أكتوبر الأسود انهيار جماعي يضرب سوق ‎#الكريبتو

الأسواق تشهد حالة تفكك نظامي حيث يتم بيع كل شيء (أسهم، ذهب، كريبتو) مقابل الهروب إلى السندات وسط تبخر كامل للسيولة العالمية.

اللي عم يصير هلق ماله "حركة تصحيح" عادية هاد اللي بنسميه "الانهيار الكبير" لما بتشوف ‎#البيتكوين و ‎#الذهب و ‎#الأسهم كلهم عم ينزلوا سوا معناها "السيستم" فرط.

ليش هي الحالة هي أخطر شي ممكن يواجهه المتداول؟

هروب لـ "الأمان المطلق" بالحالات العادية لما بتنزل الأسهم الناس بتروح للذهب أو الكريبتو بس بهي الحالة الناس عم تبيع "كل شي" وبتركض بس للسندات الحكومية  هاد معناه إن الثقة بالأسواق "صفر".

تبخر السيولة: لما الكل بدو يبيع وما حدا بدو يشتري "طلبات الشراء" بتختفي هاد بيخلي السعر ينزل مئات الدولارات بثواني (Flash Crash).

تصفية إجبارية: المنصات والحيتان عم يضربوا "مارجن كول" لبعضهم اللي خسران بالأسهم عم يضطر يبيع الكريبتو تبعه ليغطي خسايره وهيك بتكرج المسبحة والكل بيوقع سوا.

لي لازم تفهمه صديقي المتداول الحزين 🥸

"السوق عم ينفض إيده من كل شي" القصة مانا قصة عملة فاشلة أو سهم تعبان القصة إنه "المصاري عم تهرب من السوق" لما بتشوف الذهب عم ينزل مع البيتكوين اعرف إنه الحيتان عم "يصفوا" حساباتهم ويرجعوا لـ "الكاش" أو السندات هاد هو "الريست" (Reset) اللي بيحرق الأخضر واليابس.

نصيحة 🔴🔴:

لا تشتري "السكين وهي واقعة" بهيك فوضى ما حدا بيعرف وين القاع.

سكر الشاشة: إذا ما كنت  محترف أحسن شي تعمله هو إنك تتفرج من بعيد التاريخ بيعيد نفسه متل ما صار بـ أكتوبر 2025 الانهيار العنيف بيمسح "الضعفاء" من السوق والسيولة ما بترجع غير لما الكل "يستسلم".

‎#crypto

‏رسمياً: دخول الولايات المتحدة في إغلاق حكومي جزئي بعد فشل مجلس النواب في التصويت على اتفاق التمويل قبل الموعد النهائي الأسواق العالمية تترقب افتتاح يوم الإثنين لتقييم حجم الصدمة وتأثير انقطاع البيانات الاقتصادية.
صار الشيء لي كنا خايفين منه ‎#واشنطن حالياً سكرت أبوابها جزئياً والناس نايمة بس هاد الهدوء هو هدوء ما قبل العاصفة اللي رح نشوفها يوم الإثنين.
ليش هاد الإغلاق "غدار"؟
الفخ الأسبوعي: الإغلاق صار بعطلة نهاية الأسبوع (السبت والأحد) يعني الأسواق المالية (بورصة نيويورك وغيرها) مسكرة أصلاً هاد بيعني إننا ما رح نشوف رد الفعل الحقيقي لـ يوم الإثنين الصبح.
لعبة الإثنين: مجلس النواب رح يرجع يجتمع يوم الإثنين. إذا حلوا القصة بسرعة رح يكون "مطب" صغير بس إذا تعركست الأمور رح نبلش نشوف هبوط عنيف بالأسهم والكريبتو بسبب انقطاع السيولة والبيانات.
الرؤية ضبابية: متل ما حكينا في (منشور سابق) ما عاد في أرقام وظائف ولا تضخم المستثمر بيكره "الغموض" أكتر من الأخبار البشعة غياب الأرقام بيخلي الحيتان يهربوا لـ "الكاش" لحتى توضح الصورة.
لي لازم تفهمه صديقي المتداول الحزين 🥸
"الكهرباء انقطعت والكل نايم" يوم الإثنين هو "يوم الحساب" إذا فتحت الأسواق وواشنطن لسا "مقفلة" رح نشوف "هبدة" محترمة لأن العقود الآجلة (Futures) رح تتفاعل مع الخبر أول ما يبلش التداول الكل ناطر الإثنين ليعرفوا إذا هي "تسكيرة" كم يوم ولا "تعليقة" طويلة متل ما صار بالسنة الماضية.
راقب الافتتاح عينك على العقود الآجلة يوم الأحد بالليل/الإثنين الصبح.
الذهب والين: رح يكونوا "النجوم" بهالكم يوم لأنهم الملاذ الوحيد اللي العالم بتثق فيه وقت الأزمات
لا تتسرع لا تدخل بصفقات كبيرة يوم الإثنين أول ما يفتح السوق استنى لتبين "النوايا" السياسية بواشنطن.

‏تحذير: الولايات المتحدة تتجه لإغلاق حكومي مؤكد بنسبة 86% الإغلاق سيؤدي إلى عتمة بيانات اقتصادية شاملة تشمل توقف تقارير الوظائف التضخم والنمو مما يهدد بشلل في الرؤية لدى ‎#الفيدرالي والمستثمرين
نحن هلق فتنا بالحيط فعلياً القصة مو بس "موظفين قاعدين ببيوتهم" القصة هي إننا عم نفقد "عيوننا" اللي بنشوف فيها السوق.
ليش هالمرة الإغلاق "عمى ألوان" للمستثمرين؟
تقرير الوظائف (NFP): هاد التقرير هو "الدينامو" اللي بيحرك السوق كل أول شهر إذا سكرت مكاتب الإحصاء (BLS)مارح نعرف كم واحد توظف وكم واحد قعد بالبيت يعني "الفيدرالي" رح ياخد قرارات الفائدة "على العمياني"
التضخم (CPI/PPI): تخيل إنك عم تسوق سيارة وما بتعرف قديش سرعتك هي هي حالة السوق بلا أرقام التضخم ما حدا رح يعرف إذا الأسعار عم تنزل ولا عم تطير وهاد بيخلق "رعب" وتذبذب ماله تفسير.
شلل الـ SEC والـ IPO: الشركات اللي كانت ناوية تنزل بالبورصة (IPO) أو اللي عندها صفقات دمج كله رح يتفرمل يعني "نمو" الشركات رح يوقف مؤقتاً.
توقعات المراهنين: لما منصات متل Polymarket تعطي 86% معناها الحيتان والمضاربين أخدوا وضعية "الاستعداد للصدمة".د
لي لازم تفهمه صديقي المتداول الحزين 🥸
"السوق رح يفوت بغرفة العناية المشددة وبلا شاشات مراقبة الإغلاق بيعني إن الحقيقة رح تضل مخباي بالمكاتب المسكرة المستثمرين الكبار بيكرهوا شي اسمه "عدم يقين" ولهيك رح نشوفهم عم يبيعوا لحتى "تتوضح الصورة"
الأسبوع الجاي: رح يكون أسبوع "إشاعات" بامتياز لأن "الأرقام الرسمية" غايبة.
‎#الذهب و الين: رح يضلوا الملاذات اللي الكل عم يهرب عليها لحتى يخلص فيلم الإغلاق.
السيولة: رح تكون ضعيفة والحركات فجائية لهيك ابعد عن الرفعات المالية العالية.

‏الرئيس دونالد ‎#ترامب يعلن رسمياً ترشيح ‎#كيفن_وارش لتولي منصب رئيس مجلس محافظي الاحتياطي الفيدرالي (Chairman of the Fed) ليحل محل جيروم باول.
القصة اليوم أخذت منحنى تاريخي ترامب نفذ وعده وجاب "كيفن وارش" ليمسك دفة الاقتصاد خلونا نفهم ليش هاد الزلمة بالذات وشو رح يتغير:
رجل "السوق" بامتياز كيفن وارش معروف بصلاته القوية مع "وول ستريت" وهو بيفهم لغة الأسواق أكتر من لغة الأكاديميين هاد بيعني إن قرارات الفيدرالي الجاية رح تكون "حساسة" جداً لنبض السوق والأسعار.
التناغم مع ترامب: وارش دائماً كان بينتقد "بطء" الفيدرالي بالتحرك تعيينه بيعني إننا رح نشوف سياسة نقدية بتتماشى مع رؤية ترامب (فائدة أقل، نمو أسرع، وضغط على التضخم بطرق غير تقليدية)
زلزال "الاستقلالية": هاد التعيين رح يعمل جدل كبير حول "استقلالية الفيدرالي" المستثمرين ممكن يخافوا بالبداية من "تسييس" القرارات المالية بس بنفس الوقت رح يفرحوا باحتمالية خفض الفائدة اللي عم يطالب فيها ترامب.
أهم شيء لازم تفهمه صديقي المتداول الحزين🥸
"ترامب جاب رفيقه ليسوق البوسطة" باول كان عم "يفرمل" الاقتصاد بفوائد عالية ووارش جاي ليفك هالفواصل هاد الخبر بيعني إن "زمن الفائدة العالية" شارف على الانتهاء وداخلين على مرحلة "سيولة" جديدة رح تنعش ‎#الأسهم و ‎#الكريبتو بشكل كبير
‎#الذهب و البيتكوين رح يراقبوا "لهجة" وارش الأولى إذا أكد على خفض الفائدة استعدوا لطلوع تاريخي.
الدولار: ممكن يضعف شوي قدام العملات التانية لأنه "الفائدة العالية" اللي كانت ساندته بلشت تتهز
لكن لازم تعرف أن وارش زلمة ذكي ومارح يفرط العقد بليلة وضحاها بس "النفس" العام للسوق صار "صعودي" بامتياز بعد هاد الخبر.

عاصفة مالية تضرب الأسواق: تبخر أكثر من 6 تريليون دولار من القيمة السوقية خلال 30 دقيقة فقط بالتزامن مع هبوط حاد وغير متوقع في أسعار #الذهب و #الفضة مما يشير إلى انهيار في هيكلية السوق وتسييل إجباري للمراكز المالية الكبرى

اللي عم يصير هلق هو "لحظة الحقيقة" لما بتشوف الذهب والفضة (اللي هنن الملاذ الآمن) عم ينزلوا مع الأسهم معناها القصة مو مجرد "بيع" القصة هي "تفكك النظام"

تسييل المراكز لما الأسواق بتنزل بقوة المستثمرين اللي داخلين برافعة مالية (Leverage) بيوصلوا لمرحلة "النداء الهامشي" (Margin Call) هون المنصات والبنوك بتجبرهم يبيعوا "أي شي" معهم لحتى يسددوا ديونهم والذهب هو أول شي بينباع لأنه "كاش" سريع.

تبخر الضمانات (Collateral Evaporation): النظام المالي بيشتغل على "الضمانات" لما قيمتها بتنزل فجأة الكل بيركض ورا الكاش وهاد بيعمل "فراغ سيولة" (Liquidity Vacuum).

أرقام مرعبة: خسارة 6 تريليون دولار بنص ساعة يعني "ثروة دول" طارت بلمح البصر هاد بيدل إن الخوارزميات (Bots) هي اللي عم تبيع وتضرب ببعضها مو البشر.

لي لازم تفهمه صديقي المتداول الحزين 🥸

"السوق عم ياكل بعضه" القصة مانا قصة أخبار حلوة أو بشعة القصة إنه "الموتور انضرب" لما الكبار بيضطروا يبيعوا ذهبهم لحتى يغطوا خسايرهم بالأسهم معناها السيولة نشفت تماماً نحن عم نعيش "تحول جذري"  والسيستم القديم عم يفرط قدام عيوننا لا تحاول تمسك السكين وهي عم توقع بهيك انهيارات سريعة القاع ماله ملامح.

الكاش هو الملك: بالوقت الحالي الحفاظ على اللي معك أهم من محاولة الربح

راقب الإغلاق: إذا ما رجعت السيولة بسرعةزنحن قدام أزمة رح تغير شكل الاقتصاد لسنوات.

‏الرئيس ‎ يهاجم ‎ لرفضه خفض أسعار الفائدة ترامب يرى أن الفائدة العالية تضر بالأمن القومي وتكلف أمريكا مئات المليارات سنوياً كفائدة على الديون بلا داع ويطالب بأن تدفع أمريكا أدنى سعر فائدة في العالم بناءً على قوتها الاقتصادية وعوائد التعريفات الجمركية (Tariffs) التي تجلب المليارات.
ترامب عم يحط "النقاط على الحروف" وبدو ياخد مفاتيح السياسة النقدية بإيده المنشور هاد فيه رسائل اقتصادية مرعبة للأسواق:
الفائدة لازم تنزل "هلق": ترامب عم يقول إن التضخم انتهى وما عاد في حجة لباول بالنسبة لترامب بقاء الفائدة عالية هو "جريـ.ـمة" عم ترهق ميزانية الدولة بفوائد ديون مالها طعمة.
سلاح التعريفات (Tariffs): هون "مربط الفرس" ترامب عم يربط بين القوة التجارية (الضرائب اللي عم يفرضها على الدول برا) وبين الفائدة هو شايف إن أمريكا طالما عم تجيب مليارات من التعريفات لازم تكون هي "صاحبة أقل فائدة بالعالم"
إهانة باول علناً: لما الرئيس يصف رئيس الفيدرالي بـ "المغفل" (Moron) علناً هاد بيعني إن استقلالية الفيدرالي صارت على المحك الأسواق بتخاف من هاد التداخل السياسي لأنه ممكن يعمل "تضخم" إذا نزلوا الفائدة بسرعة ليرضوا الرئيس.
لي لازم تفهمه صديقي المتداول 🥸
ترامب عم يشد أذن باول قدام العالم عم يقول له"يا بتخفض الفائدة وبترخص القروض يا أما أنت عم تخرب البلد وتدفعنا مئات المليارات زيادة للديون ترامب بدو سوق "شعلة" وفائدة "بالأرض" لحتى يكمل مشروعه الاقتصادي.
هذا المنشور رح يعمل تذبذب عالي (Volatility) الأسواق رح تراهن إن الفيدرالي رح يرضخ بالأخير وينزل ‎#الفائدة تحت ضغط ترامب إذا نزلوا الفائدة الذهب والأسهم والكريبتو رح يطيروا للسما لأن "المصاري الرخيصة" راجعة وبقوة.

‏وزير الخزانة الأمريكي سكوت بيسنت يصرح بأن الولايات المتحدة لن تشارك في أي تدخل لدعم الين الياباني.
يا شباب بتتذكروا اللي حكينا عنه بخصوص "تدخل اليابان" وانهيار الأسواق؟ الوزير الأمريكي "بيسنت" طلع وحط النقاط على الحروف وريحنا من نص المشكلة.
ليش هاد الكلام هو "جرعة أكسجين" للسوق؟
اليابان لحالها ما بتخوف: لما أمريكا (صاحبة أقوى عملة وسيولة بالعالم) ترفض التدخل مع اليابان هاد بيعني إن "قوة" أي تدخل ياباني رح تكون ضعيفة ومحدودة الأثر اليابان لحالها ما بتقدر تقلب موازين السوق العالمي بسهولة.
استقرار الدولار: هذا التصريح بيعطي قوة للدولار الأمريكي (DXY) وبيرسل إشارة إن ‎#أمريكا عاجبها الوضع الحالي وما بدها "تكركب" النظام المالي العالمي كرمال عيون الين.
تنفيسة للكريبتو والأسهم: المستثمرين اللي كانوا خايفين من "سحب سيولة جماعي" ومنسق بين أمريكا واليابان هلق فيهم يتنفسوا شوي خطر الـ (Carry Trade unwind) خفت حدته كتير بعد هاد التصريح.
شو هو لي لازم تفهمه صديقي المتداول الحزين🥸
"أمريكا رفعت إيدها من قصة الين" بيسنت عم يقول لليابانيين "بدكم تدعموا عملتكم اصطفلوا نحن ما دخلنا" هاد الحكي بيطمن المستثمرين إنه ما في "مؤامرة عالمية" لتنشيف السيولة فجأة الخطر لسا موجود من طرف اليابان بس صار "أهون" بكتير طالما أمريكا برا اللعبة هذا الخبر "إيجابي" للأسواق بشكل عام وبيهدي اللعب لكن لسا لازم نراقب رد فعل بنك اليابان بس بشكل عام الضغط خف عن ‎#البيتكوين و ‎ اليوم.

‏الرئيس ‎#ترامب يحذر من تحرك أسطول عسكري ضخم باتجاه ‎#إيران ويصرح بأن الوقت بدأ ينفد طالباً منهم الحذر ومؤكداً أن الهجوم القادم سيكون أسوأ بكثير
نحن هلق قدام "طبول حرب" حقيقية لما رئيس أكبر دولة بالعالم بيحكي عن "أسطول" (Armada) وعن هجوم "أسوأ بكثير" معناها الأسواق رح تفوت بحالة "الـ.ـرعـ.ـب المنظم" ليش لازم تنتبه لمصاريك بهاللحظة؟
خلونا نفكك الألـ.ـغام:
برميل ‎#النفط (الوحـ.ـش): إيران قاعدة على أهم مضيق بالعالم (هرمز) أي حركة عسكرية هناك بتعني إن النفط رح يطير لأسعار فلكية هاد الشي بيعمل "تضخم" عالمي فوري وبيحرق أخضر ويابس بالبورصات.
الهروب للملاذات الآمنة: بهيك لحظات المستثمر بيصير متل "العصفور الخايف" بيترك ‎#الأسهم و ‎#الكريبتو وبيركض للذهب والدولار ‎#الذهب هو المرشح الأكبر ليسجل أرقام قياسية جديدة خلال ساعات إذا صار أي احتكاك.
الكريبتو والتوتر: البيتكوين ممكن ينزل بالبداية بسبب "الخوف" بس تاريخياً الحروب والتوترات السياسية الكبيرة أحياناً بتخلي الناس تشوف البيتكوين "مخزن قيمة" خارج نظام البنوك اللي ممكن يتأثر.
لي لازم تفهمه صديقي المتدول الحزين🥸
"الوضع صار على كف عفريت" ترامب عم يهدد بالتقيل وهاد الحكي بيخلي أصحاب الأموال يرتعبوا القصة مو بس سياسة القصة هي "أمن طاقة" و"خطوط تجارة" إذا انضربت ضربة وحدة رح نشوف شاشات التداول كلها "حمراء" إلا الذهب والنفط بهيك ظروف "الكاش هو الملك" لحتى تصفى الصورة لحماية راس المال ابعد عن "الرافعة المالية" (Leverage) نهائياً لأنه أي خبر صغير ممكن يمرجنك بلمح البصر .

أجهزة تعدين #البيتكوين تتوقف عن العمل في #أمريكا : انخفاض حاد في معدل التعدين (Hashrate) بنسبة تقارب 40% خلال يومين نتيجة عاصفة ثلجية تضرب الولايات المتحدة مما أجبر المعدنين على إطفاء أجهزتهم لتوفير الكهرباء أو بسبب ارتفاع تكاليف الطاقة وسط مخاوف من اضطرارهم لبيع مخزونهم من البيتكوين لتغطية المصاريف.

القصة هالمرة مو "استسلام" من المعدنين لأن السعر نازل القصة هي "قوة قاهرة" من الطبيعة عاصفة ثلجية مرعبة بأمريكا جمدت الأجهزة وخلت شبكات الكهرباء على شعرة.

ليش هاد الخبر بيخوف السوق؟ خلونا نفهمها سوا

أمريكا هي "المنجم الكبير": تلت (1/3) تعدين البيتكوين بالعالم موجود بأمريكا لما تطلع هي الأجهزة من الخدمة "أمان الشبكة" بيضعف مؤقتاً وهاد بيعطي انطباع سلبي للمستثمرين.

خطر البيع الإجباري: عمال التعدين عندهم مصاريف ثابتة (رواتب، إيجارات، ديون) إذا ضلت أجهزتهم مطفية وما عم تنتج بيتكوين جديد رح يضطروا يفتحوا "الحصالة" ويبيعوا من البيتكوين اللي مخزنينه لحتى يسددوا فواتيرهم هاد بيخلق "ضغط بيعي" مفاجئ على السعر.

توقيت سيء: العاصفة جاية والبيتكوين أصلاً عم يصارع عند مستويات الـ 90 ألف أي ضخ جديد من المعدنين ممكن يكسر السعر لتحت بسهولة.

لي لازم تفهمه صديقي المتداول الحزين 🥸

"التلج جمد أجهزة التعدين" المعدنين بأمريكا هلق محشورين بين نارين نار البرد والكهرباء الغالية ونار المصاريف اللي ما بتنطر إذا طولت هالعاصفة رح نشوف "كب بيتكوين" بالسوق من قبل المعدنين لحتى يغطوا خسايرهم وهاد بيعمل "هبدة" سريعة بالسعر  راقب "الهاش ريت" إذا بلش يرجع يطلع معناها العاصفة انحسرت والمعدنين رجعوا لشغلهم إذا ضل عم ينزل معناها في "بيعة قوية" جاية بالطريق من جماعة المايننغ خليك حذر!